Sınoptıkter qazan aıynyń alǵashqy kúnine arnalǵan aýa raıy boljamyn jarııalady, dep habarlaıdy Egemen.kz.
Máskeý aýdandarynan jyljyp jatqan soltústik-batys antısıklonnyń yqpalynan batys jáne ońtústik aımaqtardy qospaǵanda, QR aýmaǵynyń basym bóligi áli de ótip bara jatqan sıklon jyrasynyń yqpalynda bolady.
Elimizdiń soltústiginde, soltústik-batysynda, ortalyǵynda jáne ońtústik-shyǵystyń taýly aýdandarynda jańbyr men qar túrinde jaýyn-shashyn jaýady, olar kóktaıǵaq qubylystarymen birge bolady.
Elimizdiń ońtústigi men soltústiginde jel kúsheıip, túńgi jáne tańǵy saǵattarda tuman kútiledi. Túnde jáne tańerteń Aqmola oblysynyń ońtústik jartysynda kóktaıǵaq, tuman kútiledi, oblystyń soltústiginde, shyǵysynda jel 15-20 m/s kúsheıedi.
Tańerteń jáne kúndiz Qostanaı oblysynyń soltústik-shyǵysynda, shyǵysynda kóktaıǵaq, túnde jáne tańerteń soltústik-batysta, batysta tuman túsedi. Soltústik Qazaqstan oblysynda kúndiz basym bóliginde jel 15-20, oblystyń ońtústik-shyǵysynda ekpini 23 m/s kúsheıedi.
Shyǵys Qazaqstan oblysynyń batysy men soltústiginde jel 15-20 m/s kúsheıedi. Túnde Pavlodar oblysynyń shyǵysynda, kúndiz soltústiginde tuman bolady.
Túnde Qaraǵandy oblysynyń soltústiginde, shyǵysynda kóktaıǵaq, túnde jáne tańerteń soltústikte tuman kútiledi.
Almaty oblysynyń ońtústiginde, shyǵysynda jel 17-22 m/s kúsheıedi. Jambyl oblysynyń taýly aýdandarynda tuman kútiledi, ońtústik-batysta jáne taýly aýdandarda jeldiń jyldamdyǵy 15-20 m/s jetedi. Kúndiz Túrkistan oblysynyń taýly aýdandarynda jel 15-20 m/s kúsheıedi.