Prezıdent Ákimshiligi Basshysynyń birinshi orynbasary Dáýren Abaev shaǵyn Taldykól tóńiregindegi janjalǵa qatysty pikir bildirdi, dep habarlaıdy Egemen.kz.
«Árıne, qoǵam eko-qorǵaýshylardy qoldaıdy. Adamdar jaǵdaıdy ekijaqty kóredi: bir jaǵynan entýzıaster, tabıǵat saqshylary, al ekinshi jaǵynan – qatal bıýrokratııalyq alaıaqtyq. Bir qaraǵanda, bári birdeı qarapaıym emes. Sý qoımasynyń qorǵaýshylary bul erekshe kól jáne qustardyń mekendeıtin jeri dep málimdeıdi, biraq faktiler eskerýsiz qalmaıdy. Kishi Taldykól tabıǵı jolmen joǵalyp ketýi múmkin», dedi Abaev «Ashyq dıalog» efırinde.
Onyń aıtýynsha, 2013 jyly Kishi Taldykóldiń tereńdigi bir metrdi qurasa, búginde ol 30 sm-den aspaıdy.
«Qazirdiń ózinde hlorıdterdiń, sýlfattardyń, ammıaktyń asyp ketýi tirkeldi. Bul rette ákimdik sý qoımasyn toltyrýǵa nıetti emes. Ony tazartý, túbin tereńdetý josparlanǵan jáne olar jaǵalaý aımaǵyn jasaıdy. Jaýap retinde biz bir dáleldi estımiz, ákimdik aldaıdy jáne túpkilikti sheshim qabyldanǵannan keıin eshqandaı tazartý júrgizilmeıdi. Kúte turyńyz, bedel men senim degen uǵym bar. Qala bıligi qoǵam aldynda, el basshylyǵy aldynda, kópshilik aldynda ýáde beredi. Ony buzý qymbatqa túsedi», dedi Dáýren Abaev.