Qyzylorda oblysynda zańsyz ańshylyqpen aınalysqan eki turǵyn ustaldy, dep habarlady Egemen.kz.
30 qyrkúıek kúni respýblıkalyq «Ohotzooprom» mekeme qyzmetkerlerimen Jańaqorǵan aýdandyq polısııa bóliminiń ýchaskelik polısııa ınspektorlary birlesip Jańaqorǵan aýdanynyń aýmaǵyna reıdtik sharalar júrgizdi.
Nátıjesinde Jańaqorǵan aýdany Qandóz aýylynan ońtústik batysqa qaraı shamamen 14 shaqyrym jerde eki azamat ańshy myltyǵymen zańsyz ań aýlaý kezinde ustaldy.
Oqıǵa ornynan ashana pyshaǵy, tirkeýde joq bir uńǵyly 12 kalıbrli myltyq, jaryq kúsheıtkish qural, 24 dana patron, 10 dana qoıanǵa uqsas janýarynyń óli deneleri jáne kúdikti tulǵalardyń minip júrgen motokóligi anyqtalyp, olar zattaı dáleldeme retinde alyndy.
Atalǵan derek boıynsha Qazaqstan Respýblıkasy Qylmystyq kodeksiniń 337-baby 3-bóligimen (Adamdar tobynyń aldyn ala sóz baılasýy arqyly zańsyz ań aýlaý deregi) sotqa deıingi tergep-tekserý bastaldy. Tıisti saraptamalar taǵaıyndaldy.