О́ńirlik qylmystyq-atqarý júıesinde birqatar kadrlyq aýys-túıis boldy, dep habarlaıdy Egemen.kz.
QR Prezıdenti Ákimshiliginiń kelisimimen Ishki ister mınıstri polısııa general-leıtenanty Erlan Turǵymbaevtyń buıryǵymen aýmaqtyq qylmystyq-atqarý júıesi departamentteriniń bastyqtary taǵaıyndaldy: Nur-Sultan qalasy boıynsha QAJ departamentiniń bastyǵy bolyp osyǵan deıin atalǵan departament bastyǵynyń orynbasary qyzmetin atqarǵan ádilet polkovnıgi Dáýlet Boranbekuly Rahymbekov taǵaıyndaldy. Ishki ister organdarynda 1993 jyldan bastap qyzmet atqarady. Penıtensıarlyq júıedegi qyzmetin IIB janyndaǵy QAJKB ES-164/7 mekemesiniń jedel bóliminiń jedel ýákili bolyp bastady. Ár jyldary QAJ komıteti men Aqmola oblysynyń aýmaqtyq departamentteriniń bólinisterin basqardy.
Shymkent qalasy boıynsha QAJ departamentiniń bastyǵy laýazymyna ádilet polkovnıgi Teńizjan Nurmahanuly Jánibekov taǵaıyndaldy. QR Ishki ister organdarynda 1995 jyldan, OQO ál-Farabı aýdandyq IIB bólimshesinde tergeýshiniń kómekshisi bolyp bastaǵan. Penıtensıarlyq júıede 2002 jyldan bastap qyzmet etedi. Sońǵy atqarǵan laýazymy - QR IIM QAJ komıteti tóraǵasynyń birinshi orynbasary.
Almaty oblysy boıynsha QAJ departamentiniń bastyǵy osyǵan deıin QAJ komıtetiniń jedel basqarmasynyń bastyǵy qyzmetin atqarǵan ádilet polkovnıgi Igilik Sháripuly Hasenov boldy. 1998 jyldan bastap respýblıkanyń penıtensıarlyq júıesi qatarynda qyzmet etedi. Nur-Sultan qalasy, SQO jáne Aqmola oblystarynyń qylmystyq-atqarý júıesinde ártúrli basshylyq laýazymdarda jumys istedi.
Jambyl oblysy boıynsha QAJ departamentiniń bastyǵy bolyp ádilet polkovnıgi Nııaz Qanatuly Ryspaev taǵaıyndaldy. QAJ-da qyzmetin jasaq bastyǵynan bastady, túrli deńgeıdegi, sonyń ishinde basshylyq laýazymdardy atqardy. Osy ýaqytqa deıin Batys Qazaqstan oblysy boıynsha QAJ departamenti bastyǵynyń orynbasary qyzmetin atqardy. Jańadan taǵaıyndalǵan basshylarynyń buryn QAJ komıtetiniń ortalyq apparatynda jáne onyń aýmaqtyq bólinisterinde basshylyq qyzmetterde jumys istegenin, penıtensıarlyq júıede kópjyldyq tájirıbesi bar ekenin atap ótemiz.