«A» korpýsynyń qyzmetkerlerine qashyqtyqtan oqytý júıesi arqyly bilimin odan ári jetildirýge múmkindik jasaldy. Bul týraly «QazAqparat» agenttigi habarlady.
Prezıdent janyndaǵy Memlekettik basqarý akademııasy «A» korpýsynyń qyzmetkerleri úshin onlaın rejıminde qashyqtyqtan oqytýdyń ınnovasııalyq jobasyn iske qosýǵa bastamashy boldy. Osynyń negizinde strategııalyq josparlaý men bıýdjetti bekitýge, sondaı-aq memlekettik organdardaǵy kadrlar menedjmentin retteýge, qajetti sheshimderdi ázirleýge jáne ony iske asyrýdyń joldary qarastyryldy
Oqytýdyń sońǵy kezeńinde akademııanyń professor-oqytýshylar quramy kýrstyń tyńdaýshylary úshin basshynyń jeke sheberligine qatysty birqatar trenıng ótkizýdi josparlap otyr.
«Sondaı-aq oqý úderisinde keıster daıyndaýǵa erekshe mán beriledi. Jalpy, keıstermen jumys «A» korpýsyna alǵash taǵaıyndalǵan memlekettik qyzmetkerlerge komandamen jumys isteýge, tıimdi basqarýshylyq sheshimderdi qabyldaýǵa, aqparat kózderimen jáne qatań ýaqyt sheńberinde jumys isteı bilýge daǵdylandyrady», - delingen Prezıdent janyndaǵy Memlekettik basqarý akademııasy baspasóz qyzmetiniń taratqan habarlamasynda.
Ámirhan Almaǵanbetov.
Derekkóz: «QazAqparat» agenttigi.
Foto: Ortcom.kz.