Almaty qalasyndaǵy Raıymbek pen Seıfýllın dańǵyly boıynda jylý qubyry jarylyp, jolaýshylar avtobýsy shuńqyrǵa túsip ketti. Bul týraly Meta.kz habarlady.
Búgin, 10 aqpan kúni tús áletinde Almaty qalasyndaǵy tótenshe jaǵdaılar departamentine jylý qubyrynyń jarylyp, jolaýshylar avtobýsynyń ystyq sýdan paıda bolǵan shuńqyrǵa túsip ketkeni týraly habarlama kelip tústi. Shamamen saǵat 14:00-de qalalyq qutqarý qyzmetiniń mamandary avtobýsty shuńqyrdan shyǵarǵan. Artynan oqys oqıǵadan 5 adamnyń zardap shekkeni málim boldy. Sonyń ishinde bir adamnyń jaǵdaıy óte aýyr.
Bizge kelip túsken sońǵy aqparat kózinde joǵaryda atalǵan dańǵyl boıynda býdyń aspanǵa kóterilýinen jol-kólik qozǵalysynyń nasharlaı túskeni jazylǵan. Jarylǵan qubyr sýy kelesi kóshe boıyna aǵyp jatqan kórinedi.
Ámirhan Almaǵanbetov.
Derekkóz: Meta.kz.
Foto: Meta.kz.