Halyqaralyq Túrki akademııasynyń quryltaıshy qujattaryna sáıkes jáne Ázerbaıjan, Qazaqstan, Qyrǵyzstan, Túrkııa elderiniń Bilim jáne ǵylym mınıstrleriniń kelisimimen Fýzýlı Majıdjlı Halyqaralyq Túrki akademııasynyń vıse-prezıdenti laýazymyna taǵaıyndaldy, dep habarlaıdy Egemen.kz Túrki akademııasynyń baspasóz qyzmetine silteme jasap.
Fýzýlı Majıdjlı 1982 jyly 15 qyrkúıekte Ázerbaıjanda dúnıege kelgen. Ázerbaıjan Ulttyq Ǵylym Akademııasynyń Fılosofııa jáne quqyq ınstıtýtynyń «Halyqaralyq qatynastar jáne syrtqy saıasat» mamandyǵy boıynsha doktorantýrasyn támamdaǵan. Saıasattaný ǵylymdarynyń doktory.
2016 jyldan bastap Halyqaralyq Túrik akademııasynda sarapshy jáne bólim meńgerýshisi bolyp qyzmet atqardy.