Elbasy Nursultan Nazarbaev óziniń bıylǵy Joldaýynda: «JaHandyq reıtıngke sáıkes, Qazaqstan bıznesti júrgizýge eń qolaıly jaǵdaıy bar elder tobyna kiredi jáne biz bul úrdisti óristete túsýge tıispiz. Shaǵyn jáne orta bıznes – bizdegi Jalpyǵa Ortaq Eńbek Qoǵamynyń berik ekonomıkalyq negizi», dep atap kórsetti. Bul únemi alǵa umtylyp otyrǵan qoǵamymyzdyń basty ustanymy sanalady. Sondyqtan da, 2050 jylǵa qaraı shaǵyn jáne orta bıznes ókilderiniń ishki jalpy ónimdi molaıtýǵa qosar úlesi 50 paıyzdy quraıtyny shek keltirmeıtin shyndyqqa aınalatyny anyq. Osy oraıdaǵy naqty qadamdardy kórkem Býrabaıdaǵy týrızm ındýstrııasynyń jandanýynan da kórýge bolady. Búgingi kúni munda Memleket basshysynyń ýaqyt ózegindegi tapsyrmalary oıdaǵydaı oryndalyp jatyr. Sıfrlar tilimen sóılesek, týrızm salasyndaǵy bıznes ókilderiniń úlesi 99 paıyzdy quraıdy. Sondaı-aq, týrızm, Elbasy aıtqandaı, otbasylyq bıznesti órkendetýge qolaıly múmkindik ashyp otyr. Qazir salalyq bıznestiń tórtten birin quraıtyn olardyń qyzmeti jurtshylyqqa jaqsy tanys. Básekelik ortanyń keńeıýi sapa men baǵa saıasatyna oń yqpal etetini de belgili. Týrızm ındýstrııasy men saýyqtyrý salasynda medısınalyq týrızmdi damytýǵa aıryqsha kóńil bólinetini qýantady. Bul oraıda, Aqmola oblysynyń mol múmkindigin tıimdi paıdalanýda deýimizge bolady. JaýHar tabıǵatymen kóz tartatyn, saf aýasymen, mıneraldy sý qaınarlarymen, emdik sazbalshyqtarymen erekshelenetin ólkeniń elýden astam demalys úıleri men sanatorııleri emdik-saýyqtyrý qyzmetin kórsetedi. Memleket bul turǵyda keń aýqymdy qoldaý kórsetip otyrǵany jurtshylyqqa aıan. Elbasynyń tapsyrmasymen respýblıkamyzdaǵy tuńǵysh alty jolaqty avtoban Býrabaıǵa tartyldy. Kókshetaýda Halyqaralyq dárejedegi áýejaı paıdalanýǵa berildi. Jelden júırik ekspress-poıyz júıtkip tur. Býrabaı arnaıy ekonomıkalyq aımaǵy quryldy. «Baldáýren» atty qazaqstandyq Artek sheteldik balalardyń da dýmandy ordasyna aınaldy. Solardyń qatarynda álem nazaryna iligip, ólke tartymdylyǵyn kúsheıtken «Rixos Burabay» bes juldyzdy oteli men onyń irgesinde ornalasqan «Qazaqstan Laplandııasyn» erekshe maqtanyshpen ataýǵa bolady. Sońǵy úsh aıda ǵana bizdiń Laplandııamyzdy 15 myńǵa jýyq týrıst tamashalap, qyzmettiń ozyq úlgisine rızashylyqtaryn bildirdi.
Baqbergen AMALBEK,
«Egemen Qazaqstan».
Aqmola oblysy.