Parapaýerlıftıng sheberleri kezekti ret elordaǵa jınaldy. Munda qazir komandalyq el chempıonaty ótip jatyr. Oǵan qosa paralel jastar arasyndaǵy ishki birinshilik te bastaldy, dep jazady Egemen.kz.
Jarysqa bas-aıaǵy 65 sportshy jınaldy. Olar endi 10 qazanǵa deıin ózara myqtyny anyqtaıdy. Nátıjesinde jeńimpaz atanǵandar ulttyq quramaǵa alynyp, halyqaralyq dodalarda el namysyn qorǵaıdy. Onyń ishinde Parıjdegi paralımpıadanyń irikteý syndary da bar.
Aıta keteıik, Tokıodaǵy oıyndarda ulttyq qurama sapyndaǵy Davıd Degtıarıov tarıhı jeńiske jetken edi. Ol jerlesterimiz arasynan eń alǵash bolyp altyn júlde jeńip aldy. Sonyń arqasynda qazir otandyq parapaýerlıftıngte úlken dúmpý baıqalady. Qatysýshylar qatary artyp, ishki báseke kúsheıip keledi.