Prezıdent Ákimshiliginiń basshysy Aıbek Dádebaı Memleket basshysy jańa Konstıtýsııa jobasynyń mátinine arnaıy ýaqyt bólip, barynsha belsendi atsalysqanyn aıtty, dep habarlaıdy Egemen.kz.
Aıbek Dádebaı jańa Konstıtýsııany qabyldaý boıynsha referendýmǵa daıyndyq jumystary óte qarqyndy júrip jatqanyn aıtty.
«Bul referendýmnyń elimiz úshin de, barlyq azamattarymyz úshin de mańyzy óte zor. Sondyqtan barlyq quqyqtyq rásimniń saqtalýy, zań talaptarynyń qatań oryndalýy óte ózekti bolyp tur. Bul rette Ortalyq referendým komıssııasynyń atqarar róli erekshe bolmaq. Al memlekettik organdardyń basty mindeti – daýys berý úshin qajetti ınfraqurylymmen qamtamasyz etý, saılaý ýchaskeleriniń jumysyn uıymdastyrý, onyń ishinde múmkindigi shekteýli azamattarǵa qajetti jaǵdaıdy jasaý», dedi A. Dádebaı.
Ǵalymdar jańa Konstıtýsııaǵa qoldaý bildirdi
Onyń aıtýynsha, Prezıdent jańa Konstıtýsııa jobasynyń mátinine arnaıy ýaqyt bólip, barynsha belsendi atsalysqan.
«Memleket basshysy azamattardan, sarapshylyq qaýymdastyqtan, qoǵamdyq uıymdardan kelip túsken syndarly usynystardy jeke ózi oqyp, jiti zerdeledi. Odan soń keńesshilermen, sarapshylarmen birge negizgi zańnyń kirispesin, bólimderi men baptaryn jazýmen, ony óńdeýmen tyńǵylyqty túrde aınalysty. Jalpy Prezıdent sońǵy jarty jyl ishinde aptasyna keminde bir ret, keıde odan da jıi túrde áýeli Parlamenttik reforma boıynsha jumys tobynyń ókilderimen, jektekshilerimen, odan keıin Konstıtýsııalyq komıssııanyń jetekshilerimen kezdesip otyrdy. Bul kezdesýler keıde bir saǵattan astam ýaqytqa sozylatyn. Osydan-aq biz jumystyń qandaı qarqynmen júrgenin ańǵara alamyz.
Tipti túngi ýaqytta da Memleket basshymyz osy mátinmen jeke ózi jumys istegenin Prezıdent Ákimshiliginiń jaýapty qyzmetkerleri jaqsy biledi. Jalpy jańa Konstıtýsııa jobasynyń mátininde Memleket basshysynyń saıası baǵdarynyń basty qaǵıdattary, qoǵam men memlekettiń damýyna qatysty kózqarasy, sondaı-aq ustanymdary keńinen kórinis tapqan. Sol sebepti, Qasym-Jomart Kemeluly jańa Konstıtýsııamyzdyń basty avtory ekeni sózsiz», dedi A. Dádebaı.
«Qazsınk» ujymy konstıtýsııalyq reformany qoldady
Eske salaıyq, 15 naýryzda elimizde respýblıkalyq referendým ótedi.