Taıaý Shyǵys aımaǵyndaǵy áskerı-saıası jaǵdaı kúrt shıelenisip, birqatar elderde áýe keńistigi ýaqytsha jabyldy, reıster keıinge shegerildi nemese toqtatyldy. Sonyń saldarynan halyqaralyq baǵyttarda saparlaǵan jolaýshylar, onyń ishinde qazaqstandyq azamattar da shetel áýejaılarynda kidirip qaldy. Keıbiri demalys elderinen qaıta almaı otyrsa, endi biri tranzıttik aımaqta uzaq ýaqytqa toqtaýǵa májbúr boldy, dep jazady Egemen.kz.
Osyndaı kúrdeli jaǵdaıda Kaspi.kz óz klıentterine qoldaý kórsetý jóninde sheshim qabyldady. Kompanııa Kaspi Travel servısi arqyly «barý-qaıtý» baǵytynda týr nemese áýe bıletin satyp alǵan jáne qazirgi ýaqytta Taıaý Shyǵys elderinde júrgen ne tranzıttik jolaýshy retinde sol óńirde qalyp qoıǵan azamattarǵa materıaldyq kómek kórsetedi.
«Tegeran endi burynǵydaı bolmaıdy»: Izraıl men AQSh Iranǵa soqqy jasady
Májbúrli túrde óńirde bolǵan kezeńde Kaspi Gold kartasyna kún saıyn qarjylaı qoldaý aýdarylady. Árbir eresek adamǵa táýligine 35 myń teńge, ár balaǵa 15 myń teńgeden tólenbek. Bul qarajat azamattardyń ýaqytsha turý, tamaqtaný jáne basqa da kúndelikti shyǵyndaryn óteýge baǵyttalǵan.
Iranda júrgen qazaqstandyqtar elge qalaı oralady?
Kompanııa klıentterimen turaqty baılanys ornatyp otyrǵanyn atap ótti.
«Kaspi.kz óz klıentterimen turaqty baılanysta jáne olardy qoldaý úshin barlyq qajetti sharalardy qabyldap otyr», delingen resmı málimdemede.
Ulybrıtanııa, Germanııa jáne Fransııa Iranǵa eskertý jasady
Sondaı-aq Kaspi.kz azamattardy qaýipsizdik talaptaryn qatań saqtaýǵa, qaýipsiz oryndarda bolýǵa, Qazaqstan elshilikteri men konsýldyqtarymen baılanysyn úzbeýge jáne resmı organdardyń nusqaýlaryn oryndaýǵa shaqyrady. Kompanııa ahýaldyń damýyn jiti baqylap, qajet bolǵan jaǵdaıda qosymsha qoldaý sharalaryn qabyldaıtynyn jetkizdi.