Taıaý Shyǵystaǵy jaǵdaı barǵan saıyn shıelenisip barady. Iran tarapy Izraıl Premer-mınıstri Benıamın Netanıahýdyń keńsesine soqqy jasalǵanyn málimdedi. Qazirgi ýaqytta saıasatkerdiń taǵdyry belgisiz. Bul týraly ırandyq Tasnim agenttigi Islam revolıýsııasy saqshylar korpýsynyń málimdemesine silteme jasap habarlady, dep jazady Egemen.kz
IRSK dereginshe, keńse «Kheibar» zymyrandary arqyly atqylanǵan. Shabýyl Irannyń qarsy soqqylarynyń 10-shy tolqyny aıasynda júzege asqan. Sonymen qatar Izraıl áskerı-áýe kúshteri qolbasshysynyń ornalasqan jerine de soqqy berilgeni aıtyldy.
Ulybrıtanııa, Germanııa jáne Fransııa Iranǵa eskertý jasady
Izraıl Premer-mınıstriniń keńsesi ázirge bul aqparatqa qatysty resmı túsinikteme bergen joq. Aımaqtaǵy eskalasııa 28 aqpanda Izraıl men AQSh-tyń Iran aýmaǵyna jasaǵan soqqylarynan keıin kúsheıdi. Úshinshi kún qatarynan Islam Respýblıkasy áýe shabýyldaryna ushyrap jatyr. Iran tarapy bul soqqylar saldarynan eldiń áskerı-saıası basshylyǵy, sonyń ishinde rýhanı kóshbasshy aıatolla Álı Hameneı qaza tapqanyn málimdedi.
Tramp Iranǵa qarsy operasııa merzimin atady
Jaýap retinde Tegeran aımaq boıynsha drondar jáne ballıstıkalyq zymyrandar arqyly soqqy berýde. AQSh Prezıdenti Donald Tramp vıdeoúndeý jasap, Iran turǵyndaryn panalaý oryndarynda bolýǵa shaqyryp, «bombalar barlyq jerde túsedi» dep eskertken. Parsy shyǵanaǵy elderiniń áýe keńistigi jabylǵany habarlandy.
1 naýryzda Iran tarapy 560 amerıkalyq áskerı qyzmetker qaza tapqanyn jáne jaralanǵanyn málimdedi. Alaıda AQSh bul kórsetkishterdi rastaǵan joq. AQSh Qarýly kúshteriniń Ortalyq qolbasshylyǵy Iranǵa qarsy operasııa barysynda 3 amerıkalyq áskerı qyzmetkerdiń qaza tapqanyn habarlady.
Iran nege amerıkalyq jáne ızraıldik ushaqtardy atyp túsire almaıdy?
Aımaqtaǵy áskerı qaqtyǵys aýqymy keńeıip keledi. Jaǵdaıdyń ári qaraı qalaı órbıtini taraptardyń saıası sheshimine baılanysty bolmaq.