«Barys» búgin Qurlyqtyq hokkeı lıgasyndaǵy kezekti oıynyn elordada Reseıdiń SKA (Sankt-Peterbýrg) komandasymen ótkizdi, dep habarlaıdy Egemen.kz.
Kezdesýde elordalyq hokkeıshiler oıyn basynan tizgindi qolyn alýǵa tyrysty. Nátıjesinde birinshi kezeńde qarsylas komanda qaqpasyna eki shaıba soǵyp ketti.
Oıynnyń 12-mınýtynda Mett Frettın esep ashsa, 14-mınýtta Nıkıta Mıhaılıs esepti ústemeleı tústi. Ekinshi kezeńde eki komanda tarapynan gol soǵatyn birneshe múmkindik bolǵan edi.
Dese de tablodaǵy esep ózgerissiz qaldy. Úshinshi kezeńde komandalar shabýylǵa kóbirek shyqty. Dese de oǵan laıyqty toıtarys bere bildi. Oıyn sońyna taman aıdyn ıeleri qatarynan Olle Alsıng bos turǵan qaqpaǵa shaıba soqty.
Osylaısha «Barys» qarsylasynan 3:0 esebimen basym tústi. Endi «Barys» 10 qazanda elordada Reseıdiń «Ak Bars» (Qazan) komandasyn qabyldaıdy.