Qazaqstan Respýblıkasy Parlamenti Senatynyń Tóraǵasy Qasym-Jomart Toqaev BUU Bas hatshysynyń Arnaýly ókili, BUU-nyń Ortalyq Azııadaǵy preventıvtik dıplomatııa jónindegi О́ńirlik ortalyǵynyń basshysy Mıroslav Enchamen jáne Túrkitildes memleketterdiń yntymaqtastyq keńesi Bas hatshysynyń orynbasary Adahan Madýmarovpen olardyń ótinishteri boıynsha kezdesti.
Júzdesýshiler Ortalyq Azııadaǵy jaǵdaı týraly pikir almasty. Aımaqtaǵy sýdy paıdalanýǵa, shekaralyq máselelerge jáne Aýǵanstandaǵy jaǵdaıǵa halyqaralyq uıymdardyń basa nazar aýdaryp otyrǵany atap ótildi. Q.Toqaev Qazaqstan halyqaralyq yntamaqtastyqtaǵy parlamenttik ólshemge eleýli kóńil bólip otyrǵanyn aıtty. Tóraǵa, sonymen qatar, Prezıdent Nursultan Nazarbaevtyń bastamasy boıynsha qurylǵan Túrkitildes memleketter yntymaqtastyq keńesiniń qyzmetin tıesili zańnamalyq turǵyda qamtamasyz etýge Senattyń ázir ekenin jetkizdi, dep habarlady osy palatanyń baspasóz qyzmeti.