Fransııa prezıdenti Emmanýel Makron qaıyrymdylyq matchynda oınap, fýtbol alańyna shyqty, dep habarlaıdy Egemen.kz.
«43 jastaǵy fransýz saıasatkeri jartylaı qorǵaýshy pozısııasynda oınap, penaltıden gol soqty», dep habarlaıdy qaıyrymdylyq týrnıriniń baspasóz qyzmeti.
Makronnyń komandasy Pýassı aýrýhanasynyń qyzmetkerlerine qarsy oınap, dárigerlerdi 6:1 esebimen jeńdi. Match Parıj jáne Fransııa aýrýhanalarynyń qoryna qarajat jınaý maqsatynda ótkizildi.
Qaıyrymdylyq matchyna fransýz fýtbolynyń burynǵy juldyzdary qatysty. Olardyń qatarynda Marsel Desaıı, Roberto Pıres, Alen Jıress, Krıstıan Karambe, Rýdı Garsıa, Sıdneı Gový, Metıý Bodmer, sondaı-aq «Arsenaldyń» burynǵy bapkeri Arsen Venger bar.