Bas sanıtarlyq dáriger Erlan Qııasov revaksınasııaǵa qatyspaýdy sheshken qazaqstandyqtar qandaı da bir shekteýlerge tap bola ma degen suraqqa jaýap berdi, dep habarlaıdy Egemen.kz.
Qııasov vedomstvoda mundaı josparlar joq ekenin atap ótti.
«Revaksınasııa - bul koronavırýsqa qarsy vaksınanyń úshinshi dozasyn alý. Vaksınanyń eki dozasyn alǵan adamdarǵa qatysty qosymsha shekteýler men sanksııalar qarastyrylmaǵan», dedi ol OKQ brıfınginde.
Qaıta vaksınasııalaý prosedýrasynyń ózi, sanıtarlyq dáriger atap ótkendeı, negizinen, tıisti toptardyń ishinen anyqtalady – bul halyqtyń eń osal toptary, sondaı-aq antıdenelerdi taldaǵannan keıin, eger ol antıdenelerdiń joqtyǵyn kórsetse, revaksınasııaǵa erikti túrde keletin adamdar.
О́z kezeginde densaýlyq saqtaý mınıstri Alekseı Soı bir tólqujatta vaksınasııa jáne revaksınasııa týraly málimetter kórsetiletinin aıtty.
«Vaksınasııa pasportynda birinshi jáne ekinshi dozalar qashan engizilgeni kórsetiledi», dedi ol.