Búgin О́skemen qalasynda ornalasqan «Qazsınk» zaýytynda shań súzý sehyndaǵy arnaıy qurylǵyda gaz-aýa qospasynda jarylys bolǵan. Qutqarýshylar kelgende qyzyl jalyn baıqalǵan, dep jazady Egemen.kz.
TJM mamandary 120 sharshy metr alańǵa taralǵan órtti tolyq sóndirgen. Sondaı-aq seh qurylymdarynyń 220 sharshy metr aýmaǵy opyrylyp túskeni belgili boldy.
Mınıstrlik oqıǵa saldarynan 7 adam zardap shekkenin, onyń ishinde 2 adam qaza taýyp, 5 adam aýrýhanaǵa jatqyzylǵanyn málimdedi.
«Oqıǵa ornynda jedel shtab quryldy. Apat saldaryn joıýǵa shamamen 80 adam jeke quram, 18 tehnıka birligi, komandalyq-shtabtyq mashına, TJM ushqyshsyz ushý apparaty, kınologııalyq eseptoptar jáne Apattar medısınasy ortalyǵynyń brıgadasynyń dárigerleri jumyldyryldy», delingen TJM taratqan habarlamada.
Qazir zaýytta úıindilerdi arshý jumystary júrgizilip jatyr. Tótenshe jaǵdaıǵa baılanysty TJD-da jedel jeli telefony iske qosylǵan: 8 (7232) 55-38-19.
Aıta keteıik, Úkimet otyrysynda Premer-mınıstr Oljas Bektenov jaǵdaıdy jeke baqylaýyna alǵanyn aıtty.