«Astana-AEK» (Aımaqtyq elektrjelilik kompanııasy) kommýnaldyq qyzmet tarıfteriniń kóteriletinin málimdedi, dep habarlaıdy Egemen.kz.
Elordada elektr qýatyna arnalǵan tarıfterdiń 2026-2030 jyldarǵa arnalǵan jańa baǵasy bekitildi. Retteýshi organnyń sheshimine sáıkes, tarıf jyl saıyn kezeń-kezeńimen ósip otyrady:
2026 jyly – 1 kVt/saǵ úshin 8,86 teńge (2025 jyly – 7,53 teńge);
2027 jyly – 9,31 teńge;
2028 jyly – 9,71 teńge;
2029 jyly – 10,12 teńge;
2030 jyly – 10,56 teńge.
Osylaısha, tarıfterdi jyl saıyn josparly túrde kóterý qarastyrylǵan.«Astana-AEK» habarlaǵandaı, alǵashqy baǵa ósimi 2026 jyldyń maýsym aıynda bolýy múmkin.
«Qazirgi ýaqytta «Astana-AEK» AQ energııamen jabdyqtaý qyzmetteriniń tarıfin kóterýge ótinim daıyndap jatyr. Tarıf deńgeıi týraly aqparat buqaralyq aqparat quraldary arqyly tutynýshylarǵa jetkiziledi, sondaı-aq qoǵamdyq tyńdaýlar uıymdastyrylady», dep habarlady kompanııa ókilderi.
Tarıf saıasaty: el múddesi eskerýsiz qalmaıdy
Kompanııa tarıfterdiń ósýin elektr jelilerine júrgiziletin jańǵyrtý jumystary men júıege túsetin kúshtiń artýymen túsindirdi.
Aıta keteıik, tarıf boıynsha túpkilikti sheshim áli de talqylanyp, qoǵamdyq tyńdaýlar ótkennen keıin qabyldanady. Ázirge tutynýshylar úshin baǵa ózgerissiz qalady.
Nurbolat AMANBEK