Búgin О́skemen qalasyndaǵy «Qazsınk» zaýytynda jarylys bolyp, órt saldarynan 2 adam qaza tapty. Úkimet otyrysynda Premer-mınıstr zaýyttaǵy jaǵdaıdy jeke baqylaýyna alatynyn atap ótti, dep jazady Egemen.kz.
«Birinshiden, О́skemende bolǵan jarylysqa qatysty tańerteń qajetti tapsyrmalardy berdim. Tótenshe jaǵdaılar, Ekologııa mınıstrlikteri, oblys ákimdigi qajetti sharalar qabyldap, maǵan baıandańyzdar. Másele meniń jeke baqylaýymda bolady», dedi Premer-mınıstr.
Eske salaıyq, búgin Tótenshe jaǵdaılar mınıstrligi О́skemendegi zaýytta jarylys bolǵanyn habarlady.
Keıinnen jarylystan zardap shekken tórt adam aýrýhanaǵa jetkizilip, 2 adam qaza tapqany belgili boldy.