Dúısenbi kúni keshke Shotlandııanyń ońtústik-batysyndaǵy Er qalasynda jarylys bolyp, sonyń saldarynan eki turǵyn úı qırady, dep habarlaıdy Egemen.kz Daily Express saıtyna silteme jasap.
Basylymda jarııalanǵan aqparatqa sáıkes, turmystyq gaz jarylýy múmkin, al Twitter-de qala turǵyndary jarylys tolqyny birneshe shaqyrym jerde sezilgenin aıtady.
«Biz 18 qazan, dúısenbi kúni jergilikti ýaqyt boıysha saǵat 19:10-da Er qalasynyń Gors-park kóshesindegi úıde bolǵan jarylys týraly habardan keıin oqıǵa ornyna jettik. Shuǵyl qyzmetter de oqıǵa ornyna bardy. Ázirge bul aımaqtan aýlaq bolýdy usynamyz», dep jazylǵan Ershır oblysynyń polısııasynyń habarlamasynda.
Qalalyq órt sóndirý qyzmeti jarylys bolǵan jerde shyqqan órtti sóndirip jatqanyn habarlady. Jaqyn mańdaǵy úılerdiń turǵyndaryn evakýasııalaý týraly habarlamalar kelip túsýde.