Úkimet keıbir aǵash túrlerin elden shyǵarýǵa alty aı mólsherinde tyıym saldy. Bul týraly premer-mınıstrdiń birinshi orynbasary Álıhan Smaıylovtyń basshylyǵymen ótken syrtqy saýda saıasaty jáne halyqaralyq ekonomıkalyq uıymdarǵa qatysý jónindegi vedomstvoaralyq komıssııanyń otyrysynda aıtyldy, dep habarlaıdy Egemen.kz.
«Reseılik aǵashtyń ruqsatsyz qaıta eksporttalýyn boldyrmaý, otandyq kásiporyndardy shıkizatpen qamtamasyz etý úshin qaı elde shyǵarylǵanyna qaramastan, keıbir aǵash túrlerin 6 aıǵa deıin el aýmaǵynan áketýge tyıym salyndy», delingen habarlamada.
Sondaı-aq eksportqa moratorııdi alyp tastaý týraly sheshim qabyldanǵanǵa deıin ár 6 aı saıyn shekteýlerdi avtomatty túrde uzartý týraly usynysty maquldady.
Kúnbaǵys tuqymy men kúnbaǵys maıyn shyǵarýǵa kvotany ulǵaıtý qajettigi men tabıǵı ýran, onyń qosylystaryna eksporttyq kedendik baj salyǵyn engizý máseleleri talqylandy. Á.Smaıylov tuqym óndirýshilerdiń múddelerin eskerip, kúnbaǵys tuqymy men kúnbaǵys maıyn eksporttaýǵa kvotanyń tıimdi kólemin anyqtaý jáne ónim baǵasynyń ósýine jol bermeý kerek ekenin basa aıtty.