BIZ OSY KО́ShEDE TURAMYZ

Almaǵaıyp tarıh tol­qy­nynda ǵasyr boıy hal­qy­men qosa jasasyp, el she­jiresin qattaǵan “Ege­men Qazaqstan” ga­zetiniń 90 jyldyq torqaly toıy ótken jyly keń kó­lem­de atalyp ótti. El gazetiniń aıtýly merekesine Elbasy Nursultan Nazarbaev arnaıy kelip, Astana qala­syn­da boı kótergen basylymnyń jańa ǵımaraty­nyń tusaýyn kesti. Mine, osy bir mereıli mereke kúnderinde Astana qala­sy­nyń ákimdigi men qalalyq máslıhaty ulttyq basylymnyń baıraǵyn asqaq­tatyp, Almaty aýdanyndaǵy burynǵy M.Lo­monosov atyndaǵy kóshege “Egemen Qazaqstan” ga­zeti” kó­shesi degen ataý berip, arnaıy sheshim qabyldady. Ga­zetimizge degen osyndaı shynaıy qurmet úshin Astana qalasynyń ákimine, qalalyq máslıhattyń depýtattaryna, qalalyq Onomastıka komıssııa­sy­na, burynǵy M.Lo­mo­nosov atyndaǵy kósheniń turǵyndaryna alǵys bildiremiz. Solaı bola tursa da, búginde redaksııamyzǵa kún qur­ǵat­paı oqyr­man­dardan túsip jatatyn hat-habar­lardyń ba­sym kóp­shiligi eski meken-jaı boı­ynsha ke­ledi. Árıne, jańa ataýdyń tez de jyldam sińisti bolyp ketýi úshin ýaqyt ta kerek shyǵar. Degen­men, gazetimizdiń jan­ashyrlary men jalpy oqyrman qaýymnyń jańa meken-jaıdy bilgeni-aq durys. Osyǵan baılanysty redaksııa­myzdyń búgingi meken-jaıy: 010008. Astana qalasy, “Egemen Qazaqstan” gazeti” kóshesi, 5/13 ekendigin oqyrmandarymyzdyń esine salamyz. Sóz oraıy kelgende eske sa­lar taǵy bir jáıt, kóshe ataýy óz­ger­genimen, redaksııa ǵımaraty­nyń qos betindegi, Abaı dańǵy­lyn­daǵy (M.Lomonosov), Kenesa­ry kóshesindegi (Jýkovka) atty aıal­damalardyń ataýlary áli óz­ger­gen joq. Bul “Egemen Qazaq­stan” gazeti redaksııasynyń me­ken-jaıyn izdeıtin jurtshylyq­qa aıtarlyqtaı qıyndyqtar tý­dyrýda. Aldaǵy ýaqytta qala ákim­digi jáne qalalyq jolaý­shy­lar tasymaldaý departamenti bul máseleni eskerer degen senimdemiz. Avtobýs júrgizýshileri: “Kelesi aıaldama — “Egemen Qazaqstan”, dep habarlap jatsa qandaı jarasymdy!