Áskerı qýattylyq –áleýettilik kepili

Áskerı qýattylyq – táýelsiz Qazaqstannyńaq saýyty. Bizdiń tynyshtyǵymyz, damýymyz, ulttyq jáne tabıǵı qundylyqtardy saqtaýymyz – bári osy áskerı aıbyndylyqtyń aıasynda órbıtini anyq. Sol sebepti elimizde Qarýly Kúshterdi, qorǵanys salasyn damytý baǵytynda súbeli  ister qolǵa alynyp keledi. Ony syrt kóz baıqaı bermes, biraq symdaı tartylyp sapta júrgen áskerı qyzmetshilerdiń ózderi osylaı dep otyr. Aqtaý qalasyndaǵy Áskerı-teńiz ınstıtýty ǵımaratynda elimizdiń Qarýly Kúshteri Ás­ke­rı-teńiz kúshteri Bas qolbas­shylyǵynyń josparyna saı, jańa Joldaýdy nasıhattaý, túsin­dirýge arnalǵan dóńgelek ústel ótti. Memleket basshysynyń «Qa­zaq­stan joly – 2050: bir maqsat, bir múdde, bir bolashaq» Joldaýynyń teńizshiler tirli­gindegi maıak, ıaǵnı shamshyraq, aılaq, jol ústi jeli, Kaspıı teńizi syndy sózder men uǵymdarmen bastalýyn «bolashaqta teńizdiń jáne áskerı áleýetti arttyrýdyń mańyzdylyǵyna qatysty» dep sanaǵan áskerıler Joldaýda júktelgen mindetter men tapsyrmalardy jumyla oryndaýǵa tyryspaq. Osylaısha damyǵan 30 eldiń qataryna ábjil de ále­ýetti áskerı kúshi bar, qýatty el retinde enýdi kózdeýde. – Barlyq áskerı bólimsheler men qurylymdyq bólimshelerdiń jetekshileri Joldaýdy te­reń uǵynyp, júzege asyrý úshin jumystanýǵa mindetti. Biz­diń elimiz – ulan-ǵaıyr jeri bar, Kaspıı teńiziniń qazaq­standyq sektorynda tabıǵı baılyqtardyń mol kózi saq­tal­ǵan alyp memleket. Áskerı­ler, jeke quram árdaıym jaýyn­gerlik daıyndyqta bolyp, eldiń tynyshtyǵyn saqtaýǵa, jaýyngerlik sheberlikti je­til­dirýge, jańa qarýlar túri­­men, ásirese, otandyq za­­ýyt­­tar­da ja­salǵan qarýlarmen ja­raq­tanýǵa tıis. Otan qorǵaýshy retinde bul bizdiń mindetimiz, son­daı-aq Elbasy Joldaýyn jú­zege asy­rý da biz úshin mindet, –dedi Qa­zaqstan Respýblıkasy Qarýly Kúshteri Áskerı-te­ńiz kúshteri tárbıe jáne áleý­mettik-quqyqtyq jumystar bóli­miniń bastyǵy, polkovnık Q.Myńjanov. Polkovnıktiń aıtýynsha, bıylǵy jyly Kaspıı teńizi betinde kók baıraqty jelbirete, táýelsiz Qazaqstanymyzdy qorǵaı josyltqan áskerı keme­lerdiń sany taǵy birge artpaq. Al Áskerı-teńiz kúshteri tyl bazasynyń Aqtaý mańynan oryn tebýi de kerek-jaraq, kıim-keshekti alystan tasý qıyn­dyǵynan qutqaratyn bolady. Dóńgelek ústel basynda sóz alǵan áskerıler Joldaýdaǵy basym baǵyttardy qýattap, óz pikirlerin bildirdi. Al Aqtaý aýdandyq paıdalaný bóliminiń bastyǵy B.Mirseıitov áskerı qyzmetkerlerdiń áleýmettik ahýaly týraly baıandady. – 2013 jyly Aqtaý garnızony boıynsha 240 páterli turǵyn úı men 70 oryndy páter tıpti jataqhana paıdalanýǵa berildi. Az ǵana ýaqytta bútin áskerı qalashyq salyndy. 800-ge tarta áskerı qyzmetkerdiń aılyq jalaqysyna páter jaldaý úshin arnaıy ósim qosylyp keledi, sondaı-aq, kommýnaldyq tólemder úshin jeńildikter qaras­tyrylǵan, – dedi ol. Odan ári áskerı top Joldaýdy nasıhattaýdy teńiz tolqynynda terbelgen kemelerdegi teńizshiler arasynda jalǵastyrdy. Gúlaıym ShYNTEMIRQYZY, «Egemen Qazaqstan». Mańǵystaý oblysy.