Qalamgerdiń bıobıblıografııasy jaryq kórdi

Kitap tanystyrylymynyń Almatydaǵy Ulttyq kitaphanada uıymdastyrylýynyń máni bar. Ádebıetsúıer qaýymǵa esimi etene tanys qalamgerdiń ómiri men shyǵarmashylyǵyna qysqasha sholý jasaǵan kitaphana dırektory Baqytjamal Qaıyrbekqyzynyń aıtýynsha, birtýar jazýshynyń ómiri kitap jáne kitaphana jumy­symen tyǵyz baılanysty. Ol elimizdegi kitaphanany zamanǵa saı jabdyqtap, oqyrmannyń kitapqa qyzyǵýshylyǵyn arttyrýǵa, kitap mádenıetin kóterýge yqpal etetin tetikterin qarastyryp, kitaphana salasynyń damýyna óz úlesin qosyp, Ulttyq akademııalyq kitaphanany basqardy. Kitapty ólsheýsiz súıgen qalamgerge arnap Ulttyq kitaphana «Birtýar edi...» atty kórme uıymdastyryp, oqyrmanǵa jazýshy jaıly mol materıal derekterin usyndy. Ja­­zýshynyń bıobıblıografııasy jyl­­dan-jylǵa tolyǵyp ke­le­di. Ulttyq kitaphananyń derek­qorynda R.Otarbaevqa baılanys­ty 539 málimet jınaqtalǵan. Bul baǵytta bıobıblıograftar áli de izdenis jumysyn jalǵastyra beredi.

Sharanyń moderatory, «Ana tili» gazetiniń bas redaktory, Qazaqstan Prezıdenti syı­lyǵy­nyń laýreaty Qalı Sár­sen­baı bıobıblıografııalyq kórset­kish­tiń mańyzyna toqtal­dy. Adam janynyń kóz jetpes kókjıeginiń jıhangeri bolý­dy jas kúninen murat etken R.Otarbaevtyń áde­bıetke alyp kelgen alǵashqy tyr­naqaldy áńgi­mesinen bas­tap kemeldengen shaǵyndaǵy sońǵy týyndysyna deıin taýyp, shyǵarmashylyq murasyn túgendep, baı qazynasyn tolyqtyryp, jınaqtap, rýhanı aınalymǵa endirý – uzaq ýaqyttan bergi qajyrly eńbek jemisi.

R.Otarbaevtyń esimi dramatýrgııa janrynda da jıi jolyǵady. Qalamgerdiń ónimdi eńbek etken salasy osy – dramatýrgııa. 2019 jyly qurylyp, qysqa merzim ishinde avtordyń ádebı keńistigine tutas sholý jasap, sońynda qal­­ǵan mol ádebı murasynyń joq­­taýshysy bolyp otyrǵan «Ra­hym­jan Otarbaev rý­hanııat qory» búginde kóptegen ıgi istiń bas­ta­mashysyna aınalyp úlgerdi. Osy ýaqytqa deıin atqarylǵan sharýany Mahambet atyndaǵy Atyraý oblystyq akademııa­lyq drama teatrynyń dırekto­ry Berik Jámenov erekshe atap ót­­ti. «Qa­zaqstanda elýden astam teatr bar desek, solardyń ishinde R.Otarbaev pesalary qoıyl­maı qalǵan teatr joq deýge bola­dy. Ol kisiniń dramatýrgııasy rejıssermen til tabysyp tur­ǵandaı jazylatyn erekshelikke ıe. R.Otarbaev atyndaǵy halyq­aralyq teatr festıvali dás­túr­li sabaqtastyǵyn úzbeı kele­di. Dramatýrgtiń pesalary Re­seı, Qyrǵyzstan, О́zbekstan teatr­­larynyń sahnalarynda da qoıylyp jatyr. Osy atqarylyp jatqan ıgilikti istiń báriniń basy-qasynda R.Otarbaevtyń rýhanııat qory júr», dedi teatr dırektory.

Teatrǵa kerek taqyrypty ishki túısigimen sezip, kesek dúnıeler jazǵan qalamger Mysyrǵa ketip, elin ańsaýmen ótken Beıbarystan bastap, Jáńgir han, Ámire, Mu­qaǵalı, Farıza sekildi bir shoǵyr tarıhı tulǵalardyń beı­nesin jasap, olardyń kór­kem obrazyn kórermenmen qaýyshtyrdy. 

«О́mirde Rahań kezdesken adamyna dos qushaǵyn keń ashqan baýyrmal, ashyq-shashyq,  aqjúrek adam bolsa, shyǵarmashylyǵy da óziniń býyrqanǵan minezi sııaq­ty edi, jazatyn da tastap júre beretin. Bálkim maǵan sengeni bolar, múmkin balalaryna arqa súıegeni shyǵar, qaǵazǵa uqyp­ty­lyǵy joq edi. Alaıda sońynda izdeıtin oqyrmanynyń kóp eke­nine kó­zim jetti. Sol sebepti jazǵan dú­nıelerin jınaqtap, bıobı­­­­­­blıog­rafııalyq kórsetkish qura­ly etip qurastyrýdy jón kórdik», dedi jazýshynyń jary Sáýle Otarbaeva.

 Rahymjan Otarbaevtyń áń­gimeleri men povesteri, ro­­ma­n­dary men pesalary qyryq jyl boıy qazaq oqyrmanyna rýhanı azyq bolyp keledi. Ja­ryq kórip otyrǵan jańa bıobıb­lıografııalyq kórsetkish  te keıingi urpaqtyń súıik­ti jazýshysyn tanyp-bilýine qyzmet etetin járdemshi qural bolmaq. Qalamgerdiń shyǵar­malary qaı kezeńde de, qaı keńis­tikte de óz oqyrmanymen úndesip birge jasaı beredi.

ALMATY