Italııa astanasy Rımde Qyrǵyzstan elshiliginiń resmı ashylý saltanaty ótti, dep habarlady Egemen.kz Ortalyq Azııadaǵy eldiń Syrtqy ister mınıstrliginiń baspasóz qyzmetine silteme jasap.
Qyrǵyz Respýblıkasynyń Syrtqy ister mınıstri Rýslan Qazaqbaevtyń Italııaǵa resmı sapary aıasynda ótken elshiliktiń ashylý saltanatyna Italııa Syrtqy ister jáne halyqaralyq yntymaqtastyq mınıstriniń orynbasary Marına Serenı de qatysty.
Is-sharaǵa Italııanyń ártúrli qalalarynan kelgen qyrǵyz dıasporasynyń jetekshileri, qyrǵyz stýdentteri jáne Italııa azamattary da keldi. Qazaqbaev ıtalıandyq tarapqa jáne Italııa Syrtqy ister mınıstrligine Qyrǵyz Respýblıkasynyń elshiligin ashýǵa kórsetken qoldaýy men kómegi úshin alǵysyn bildirdi.
Italııa Syrtqy ister mınıstriniń orynbasary óz tarapynan ekijaqty qarym-qatynastardy damytýdyń jáne ony jańa deńgeıge shyǵarýdyń mańyzdylyǵyn atap ótti.