Búgin, 24 aqpan kúni elimizdiń basym bóliginde antısıklon áserinen qatty aıaz bolady. Bul týraly «Qazaqstan» telearnasy habarlady.
Elimizdiń shyǵys jáne ońtústik-shyǵys bóliginde atmosferalyq aýanyń aýysýyna baılanysty aýa raıy qubylmaly bolady. Sondaı-aq birqatar óńirlerde qarly burqasyn bolyp, jel kúsheıedi. Tuman túsip, kóktaıǵaq bolýy da múmkin. Máselen,Shyǵys Qazaqstan oblysynyń keı aımaqtarynda túnde jeldiń jyldamdyǵy sekýndyna 15-20 metrge jetip, boran bolýy yqtımal. Qyzylorda, Mańǵystaý, Atyraý, Soltústik jáne Ońtústik Qazaqstan oblystarynda tuman túsedi.
Qostanaı oblysynda túnde jáne tańerteń tuman túsip, kúndiz jeldiń jyldamdyǵy sekýndyna 15-20 metrge deıin jetedi. Al Almaty oblysynda tuman túsip, kóktaıǵaq bolatyny aıtyldy. Osy aımaqta jeldiń ekpini sekýndyna 15-20 metrge deıin jetedi.
Búgin túnde Qaraǵandy, Qyzylorda, Aqtóbe, Mańǵystaý men Ońtústik Qazaqstan oblystarynyń keı jerlerinde qatty aıaz bolýy yqtımal.
Ámirhan Almaǵanbetov.
Derekkóz: «Qazaqstan» telearnasy.
Foto: Ria.ru.