Qazaqstandyq kásipqoı boksshy Gennadıı Golovkınniń promoýteri Tom Leffler Genanyń kezinde Andre Ýordpen jekpe-jekten qashpaǵanyn málimdedi, dep habarlaıdy Egemen.kz.
Ol Ýordtyń komandasy Golovkın basqa boksshymen kezdesý jaıly kelisimshart jasasyp qoıǵan soń ǵana usynys tastaǵanyn jetkizdi.
«Andre Ýordtyń komandasy Gennadıı Golovkınmen kezdesý jónindegi usynysty kesh jiberdi. Ol kezde biz Davıd Lemeniń komandasymen jekpe-jek ótkizý týraly kelisimshartqa qol qoıǵan bolatynbyz», dedi ol jýrnalıst qoıǵan saýalǵa ún qatyp.