QR Tuńǵysh Prezıdenti – Elbasy Nursultan Nazarbaev Iаdrolyq qarýsyzdaný jahandyq forýmyn elordada ótkizýdi usyndy, dep habarlaıdy Egemen.kz.
«Álemdik qoǵamdastyq ıadrolyq qaýip-qatermen betpe-bet kelgendikten birigýi qajet. Iаdrolyq qarýdy taratpaýdyń shynaıy jumys isteıtin tetikterin ázirleý qajettigi baıaǵyda-aq pisip-jetildi. Bul rette aıryqsha jaýapkershilik «ıadrolyq bestik» elderinde jatyr. Birneshe jyl buryn, naqtyraq aıtqanda «Azııa-Eýropa» konferensııasynda men barlyq ıadrolyq memleketterdiń qatysýymen strategııalyq shabýyldaýshy qarý-jaraqtardy jalpyǵa birdeı qysqartýdyń naqty josparyn ázirleýdi usynǵan edim. Ony BUU qamqorlyǵymen qabyldaýǵa bolar edi», dep eske aldy Elbasy «Astana klýb - 2021» otyrysynda.
QR Tuńǵysh Prezıdentiniń atap ótýinshe, josparda jappaı qyryp-joıý qarýyn satyp alýǵa jáne taratýǵa qatysty qatań sanksııalar qamtylýy tıs.
«Bul turǵyda álemniń tanymal 70 saıasatkeri qoldaý bildirgen Iаdrolyq qaýipsizdik jáne ıadrolyq qarýdan azat álem jahandyq alıansy kóshbasshylarynyń qyzmeti aıryqsha mánge ıe bola túsedi. Alıans men usynǵan jospardy talqylaý jáne ázirleý úshin ortalyq alań ári qozǵaýshy kúsh bola alar edi dep oılaımyn. Osyǵan oraı Qazaqstan astanasynda Iаdrolyq qarýdy taraptaý jáne qarýsyzdaný jónindegi jahandyq forým ótkizýdi usynamyn. Obama Prezıdent bolǵan kezde jyl saıyn biz osy taqyrypqa qatysty jınalyp, máselelerdi talqylaıtyn edik. Qazir mundaı alań joq. Men ony jańartýdy usynamyn», dedi Nursultan Nazarbaev.