Túrkııanyń tanymal kýrorttyq qalasynyń 5 juldyzdy qonaqúıinde 73 týrıst demalý kezinde ýlanǵan. Zardap shekkender aýrýhanaǵa jetkizildi. Jappaı ýlaný oqıǵasy týraly túrkııalyq BAQ jazdy, dep habarlaıdy Egemen.kz.
Oqıǵa Ystanbul men Ankara arasynda ornalasqan taý shańǵy kýrortynda boldy. Týrıster Koru qonaqúıinde ýlandy. Keshki astan keıin birden 60 stýdent ózderin nashar sezingeni anyqtaldy. Olar ishtiń aýyrýy, dıareıa jáne qusý týraly shaǵymdandy. Zardap shekkender aýrýhanaǵa jetkizildi, onda dárigerler «tamaqtan ýlaný» dıagnozyn qoıdy. Tańerteń stasıonarlyq emdeýdi qajet etetin saıahatshylar sany 73-ke jetti.
Provınsııanyń aýyl sharýashylyq bóliminiń qyzmetkerleri qonaqúıden tamaq pen sý synamalaryn aldy. Saraptama nátıjeleri týraly ázirge habarlanǵan joq. Bir kúnnen keıin keıbir naýqas aýrýhanadan shyǵaryldy. Qalǵandary emdelip jatyr.