Almatyda 22 qarashadan bastap karantın jeńildeıdi, dep habarlaıdy Egemen.kz.
Eldiń bas sanıtar dárigeriniń №42 qaýlysyna sáıkes, óńir «jasyl» aımaqqa ótkennen keıin eń kemi 7 kún «sary» aımaq talaptary boıynsha jumys isteıdi. «Jasyl» aımaq talaptaryna sáıkes, Ashyq qosymshasyna tirkelgen kásiporyn nemese uıymdar túngi saǵat úshke deıin jumys isteı alady.
Buǵan deıin Jandarbek Bekshın qalada 100 myń adamǵa shaqqanda aýrýshańdyq 50-ge jetpese, «jasyl» aımaqqa saı karantın sharalary jeńildetiletinin aıtqan bolatyn.
«Jasyl» aımaq talaptaryna sáıkes, Ashyq qosymshasyna tirkelgen kásiporyn nemese uıymdar túngi saǵat úshke deıin jumys isteı alady. Ashyq júıesindegi kóshbasshylar tańǵy 5-ke deıin jumys isteıdi. Eger jekeleı alǵanda qoǵamdyq tamaqtaný oryndarynda qonaqtar sany artady. Eger «sary» aımaqta 60%-ǵa deıin ruqsat berilse, «jasyl» aımaqta oryndar sany 70%-ǵa deıin artady. Al fýdkordtarda «sary» aımaqta 20% ruqsat berilse, «jasyl» aımaqta 30% artady», dedi Almatynyń bas sanıtar dárigeri.
Sonymen qatar, búginnen bastap Almatyda barlyq tasymaldaýshy, onyń ishinde týrıstik baǵyttar da óz qyzmetin bastaıdy. Vokzaldar, HQKO-lar, sondaı-aq bilim berý uıymdary, ashanalar, monshalar, sporttyq-saýyqtyrý ortalyqtary men sulýlyq salondary shekteýsiz jumys isteı bastaıdy.
Eske salaıyq, 18 qarashadan beri Almaty qalasy koronavırýstyń taralýy boıynsha «jasyl» aımaqta tur.