Eńbek etý qabiletinen aıyrylý, asyraýshysynan aıyrylý jaǵdaılaryna beriletin áleýmettik tólemderdiń mólsheri artady, dep habarlaıdy Egemen.kz.
2022 jylǵy 1 qańtardan bastap eńbek etý qabiletinen aıyrylý, asyraýshysynan aıyrylý jaǵdaılaryna beriletin áleýmettik tólemderdiń mólsheri 5% arttyrylatyn bolady. Tıisti Qaýlyǵa Úkimet basshysy Asqar Mamın qol qoıdy.
Qazaqstan Respýblıkasy Úkimetiniń 2021 jylǵy 17 qarashadaǵy №820 Qaýlysy
Memlekettik áleýmettik saqtandyrý qorynan tólenetin áleýmettik tólemderdiń mólsherin 2022 jylǵy 1 qańtardan bastap arttyrý týraly
«Mindetti áleýmettik saqtandyrý týraly» 2019 jylǵy 26 jeltoqsandaǵy Qazaqstan Respýblıkasynyń Zańy 8-babynyń 3) tarmaqshasyna sáıkes Qazaqstan Respýblıkasynyń Úkimeti
QAÝLY ETEDI:
1. 2022 jylǵy 1 qańtarǵa deıin Memlekettik áleýmettik saqtandyrý qorynan eńbek etý qabiletinen aıyrylý jáne asyraýshysynan aıyrylý jaǵdaılaryna taǵaıyndalǵan áleýmettik tólemderdiń mólsherin 2022 jylǵy 1 qańtardan bastap alatyn áleýmettik tólemderdiń mólsherinen bes paıyzǵa arttyrý júrgizilsin.
2. Osy qaýly 2022 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri A. Mamın