Orynsyz toqtatýǵa on jerden tyıym

Senat Tóraǵasy Qasym-Jomart Toqaevtyń jetekshiligimen ótken palatanyń keshegi jalpy otyrysynda elimizdegi jol júrisiniń jumys isteýin jáne onyń qaýipsizdigin qamtamasyz etýdiń quqyqtyq negizderi men sharttaryn belgileıtin zańdyq qujattar qaraldy. «Jol júrisi týraly» jáne oǵan ilespe zań jobalary (ekinshi oqylym) boıynsha baıandamany Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Serik Aqylbaı jasady. Onyń sózi­ne qaraǵanda, Senat zań jobasy­nan «júrgizýdiń agressıvti ádisi» uǵymyn alyp tastaýdy usynyp otyr. О́ıtkeni, bul normada Ákim­shilik quqyq buzýshylyq týraly kodekstiń «manevr jasaý, basyp ozý qaǵıdalaryn buzǵany nemese kólik quralynyń qozǵalysyna kedergi jasaǵany» úshin jaýaptylyq bel­gileıtin birqatar baptar qam­tylǵan. Budan basqa, jol júrisi salasyndaǵy memlekettik baqylaý men qadaǵalaýdy júzege asyratyn ýákiletti organ laýazymdy adamynyń júrgizýshige jáne jolaý­shyǵa kólik quralynyń salonyn tastap ketýge ruqsat berý quqyǵy bolatyn jaǵdaılar naqtylanǵan. Endi jol polısııasy qyzmet­kerleri júrgizýshilerdi tek 8 negiz boıynsha toqtata alady. Atap aıt­qanda, toqtatýlar kólik quraly júrgizýshisiniń jol júrisi men tehnıkalyq tirkeý qaǵıdalaryn buzýy, urlanǵan kólik quraldaryn júrgizýi, jol-kólik oqıǵalary men qylmys bolǵan jerden qashyp ketýi sııaqty keleńsizdiktermen baılanysty oryn almaq. Qalǵan jaǵdaılarda orynsyz toqtatýlarǵa tyıym salynady. Zańdy kúshine engen sot akti­leriniń, ýákiletti organ qaý­ly­larynyń talaptary oryndalmaǵan jaǵdaıda kólik quraldaryn paıdalanýǵa tyıym salý kózdelgen. Alaıda, senatorlar bul normany alyp tastaýdy usyndy. Kólik júrgizýshisiniń qujaty BUU talaptaryna sáıkes ázir­lenip, onda 7 men 6 sanattyń tar­maqshalary qamtylady. Komıtet tóraǵasynyń aıtýynsha, salynǵan aıyppul bir táýlik ishinde tólense, 50 paıyzyn ǵana óteý, al apta ishinde tólenip jatsa 30 paıyzyn kemitý kózdeledi. Osylaısha, azamattardyń óz kinásin túsinip, aıyppulyn erterek tólep tastaýǵa múmkindik berilgen. Munyń materıaldyq qyzy­ǵý­shy­lyq týǵyzatyny da anyq. Sondaı-aq, zań jobasymen múgedekterge arnalǵan oryndarǵa avtokólikterdi qoıyp ketýge bolmaıtyndyǵy nazar­dan tys qalmaǵan. Jáne de jal­py toqtaýǵa qatysty ere­jeni buzǵany úshin ákimshilik jaýapkershilik qarastyrylǵan. Ásirese, júrgizýshilerdi daıarlaý tár­tibin buzǵandarǵa da jaýap qa­taıady. Eki oqylymda jan-jaqty talqydan ótken jol júrisi týraly zań jobalary Senat engizgen birqatar ózgeristerimen Májiliske qaıtaryldy. Eger tómengi palata kelisken jaǵdaıda zań jobalary Prezıdenttiń qol qoıýyna joldanady. Asqar TURAPBAIULY, «Egemen Qazaqstan».