Almaty qalasynyń Medeý aýdanynda sý qubyry jarylyp, topyraq kóshkini boldy, dep habarlaıdy Egemen.kz.
«Búgin tańǵy saǵat 09:30-da «Kóktóbe» shaǵynaýdany T.Bıgeldınov kóshesindegi 35-úıdiń janynda topyraq kóshkini oryn aldy. Nátıjesinde jol qozǵalysynda kedergi týyndap, 35-úıdiń metall qorshaýy zaqymdaldy. Apat ornynda qaýipsizdik beketteri qoıylyp, sý qubyry biteldi, zardap shekkender joq, joldy tazartý jumystary júrgizildi», dep habarlady departamentten.
Oqıǵa ornyna TJD 5 qyzmetker, 2 birlik tehnıka, «Qazseldenqorǵaý» MM 2 qyzmetker, 1 birlik tehnıka, aýdan ákimdiginen 5 qyzmetker, 2 birlik tehnıka, «Almaty Tazalyq» JShS 10 qyzmetker, 2 birlik tehnıka jumyldyryldy.