Qazaqstandyq sportshy Islam Qabdollov Bakýde ótip jatqan batýttaǵy gımnastıkadan álem chempıonatynda jeńimpaz atandy, dep habarlaıdy Egemen.kz.
Ulttyq olımpıada komıteti habarlaǵandaı, I.Qabdollov 11-12 jastaǵylar arasynda akrobatıkalyq jolda sekirýden altyn medaldi jeńip aldy.
Islam fınalda Reseı, Belgııa, Izraıl, Portýgalııa jáne Ońtústik Afrıka elderiniń sportshylaryn basyp ozdy.
BQO dene shynyqtyrý jáne sport basqarmasynan túsken málimetke qaraǵanda, Islam Esengeldiuly 2009 jyly 16 jeltoqsanda Oral qalasynda dúnıege kelgen. Ol Oraldaǵy №19 orta mekteptiń 6-synyp oqýshysy. Gımnastıkamen №2 balalar-jasóspirimder sport mektebinde bes jasynan bastap shuǵyldanyp keledi. Bapkeri – Albert Tilepqalıev.
Islam sportshylar otbasynda tárbıelenýde. Ákesi Esengeldi Aısaǵalıev – sambodan, anasy Aıjan Musabekova – gımnastıkadan sport sheberi.