Qazaqstan Ýkraınadaǵy oqıǵalarǵa baılanysty erekshe alańdaýshylyǵyn bildiredi. Shıelenistiń odan ári órbýi aımaqtyq, sondaı-aq, jahandyq aýqymdaǵy kútpegen nátıjelerge alyp kelýi múmkin.
Qazaqstan barlyq taraptardy jaǵdaıdy retteý barysynda kúsh qoldaný sheshimderden bas tartýǵa jáne qalyptasqan máseleni kelissózder arqyly sheshý maqsatynda barynsha saıası kúsh-jiger tanytýǵa shaqyrady. Bul sheshim halyqaralyq quqyqtyń irgeli qaǵıdattaryna negizdelýi tıis.
Barlyq múddeli taraptardy jaǵdaıdy baǵalaýda baısaldy, ádiletti bolýǵa jáne jaýapkershilik tanytyp, ýkraınalyq daǵdarysty ýshyqtyrýǵa sebep bolatyn áreketterden bas tartýǵa shaqyramyz.
Qazaqstan tez arada jaǵdaıdyń turaqtanýyna, barlyq saıası kúshterdiń beıbit únqatysýyna jáne quqyqtyq tártiptiń qalpyna kelýine úmit artady.