Týǵan ólkeni túletpek

Katonqaraǵaıdan shyqqan kásipkerler bul maqsatqa 2,3 mıllıard teńgeniń qarjysyn salýdy kózdep otyr Shyǵys Qazaqstan oblysynda birneshe jyl buryn «Týǵan jerge – taǵzym», «Týǵan elge – tartý» atty aksııalar ótkizilip, oblys ortalyǵynda, aýdandarda osy óńirden shyqqan ǵylym, mádenıet, ádebıet salasynyń kórnekti qaı­rat­kerleri, óner sańlaqtary óz­deriniń kir jýyp, kindik kesken týǵan jerlerinde bas qosyp, ár­túrli sha­ra­­larǵa qatysyp, týǵan aýdandaryn ulyqtaýǵa atsalysqan edi. Olardy shalǵaıdaǵy jergilikti turǵyndar qyzý qoldap, el maqta­nyshyna aınalǵan óner, bilim sala­­larynyń qaıratkerlerimen kez­desý­ge arnalǵan sharalarǵa belsene qatysqan. Jaqynda oblys ortalyǵy О́s­ke­men qalasyndaǵy Dostyq úıin­de Katonqaraǵaı aýdanynyń ınves­tısııalyq forýmy «Týǵan elge – tartý» degen atpen ótkizildi. Forým jumysyna Shyǵys Qazaqstan oblysy ákiminiń orynbasary J.Omar, katonqaraǵaılyq jazý­­shy D.Áshim­hanuly, son­daı-aq, Astana, Almaty, Shym­kent, О́skemen qalalary men oblys aýdandarynan kelgen bir top kásipker qatysty. Aýdan ákimi Dáýren Tileý­baev forýmdy asha otyryp, jınalǵandardy aýdannyń negiz­gi áleýmettik-eko­no­mıkalyq kór­setkishterimen ta­nys­tyrdy jáne kásipker jerles­terimizdiń nazaryn qandaı ba­ǵyt­tarǵa ınvestısııa salýǵa bola­tyndyǵy týraly máselelerge aýdardy. Katonqaraǵaıdan shyqqan kásip­kerler bul maqsatqa 2,3 mıllıard teńgeniń qarjysyn salmaq. Memleket shalǵaıda jatqan aýyldardy damytýǵa qarjy jaǵynan úlken kómek kórsetýde. «Jumyspen qamtý-2020», «Sybaǵa», «Jaı­laý» sekildi memlekettik baǵ­darlamalar júzege asyrylý­da. Osy baǵdarlamalardyń kóme­gi­men júzdegen qosymsha jumys oryndary ashylýda. Alaıda, bul jumystardyń kópshiligi naý­qandyq, maýsymdyq nemese ýaqytsha ju­mystar bolyp, turǵyndardy, ási­rese, aýdannan ketip jatqan jas­­tardy turaqtandyrý proble­malasyn túpkilikti sheshe almaý­da. Qazirgi kezde aýdandaǵy de­mo­grafııalyq jaǵdaı óte ótkir. Aýdan mektepterindegi oqýshylar sany jyl saıyn 300 balaǵa azaıý­da, bir kezde aýdan ortalyǵy bolǵanda 10 myńnan astam adam turatyn Katonqaraǵaı aýylynda qazir 4600-aq adam qalǵan. Shekaralyq aýdannyń mundaı kúı keship otyrýy árkimdi oılan­dyrýy tıis. Sondyqtan da, bizdiń búgingi kez­desýimizdiń basty maq­saty – sizderdi qyzyqtyra otyryp, qarjylaryńyzdy týǵan aýdan­daryńyzǵa salýǵa, sóıtip, jańa óndiris kózderin, jastar úshin qo­symsha jumys oryndaryn ashýǵa tartý. Aýdanda isker, belsendi adamdar úshin ınvestısııa salatyn qyzmet aıasy jetkilikti. Atap aıtqanda, olar – aýylsharýashylyq ónimderin qaıta óńdeýden ót­kizý, týrızm, energetıka, sana­torıı-kýrorttyq saýyqtyrý, Katonqaraǵaıdyń brendine aınalyp, erekshe jarnamalaýǵa dilger bolyp otyrǵan qymyz ben baldy arnaýly ydystarmen, syıymdylyǵy ártúrli qutylarmen shyǵarý. Orasan baı ósimdikter dúnıesi farmasevtıkany damytýǵa qolaıly. Kúsh-jiger jumsaýǵa turarlyq basqa da baǵyttar az emes. Tańdaǵan jo­ba­laryńyzdy tabysty júzege asyrýǵa bizdiń tarapymyzdan barynsha kúsh-kómek kórsetiledi, dep atap kórsetti D.Tileýbaev. Forýmda Katonqaraǵaı ulttyq tabıǵı parkiniń, oblystyq aýyl sharýashylyǵy basqarmasynyń, turǵyn úı-kommýnaldyq sharýa­shylyq, energetıka, týrızm salala­rynyń, Katonqaraǵaı aýdanaralyq aýrýhanasynyń ókilderi birlese, yntymaqtasa jumys isteý jónin­degi óz oılaryn ortaǵa saldy. Bıznesmender talqylanyp otyr­ǵan máselege óz taraptarynan qy­zyǵýshylyqpen ynta bildire atsalysty. Oblystyq máslıhattyń depýtaty Luqbek Týmashınov óz árip­testerin bolashaqta úlken nátı­je­lerge qol jetkizetin shaǵyn bolsa da naqty isten bastaýǵa shaqyrdy. Marat Tataev belgili bir ýa­qyt­tan soń taǵy da jınalyp, aýdan­­ǵa ınvestısııa tartý jónin­degi atqarylyp jatqan isterge qo­ry­tyndy jasap otyrýǵa usynys jasady. Forým jumysy sońynda kásip­kerler Katonqaraǵaı aýdany­nyń ákimimen kásipkerlerdiń mal ­sharýa­shylyǵyn damytý, týrıstik bazalar, shaǵyn GES-ter salý, baldy qutylarǵa quıyp shyǵarý, Qarataı batyrǵa eskertkish ornatý týraly jeti túrli memorandýmǵa qol qoıdy. Qaıyrdy NAZYRBAEV. Shyǵys Qazaqstan oblysy.