Jeltoqsannyń 25-31-i kúnderi Nur-Sultanda shahmattan rapıd jáne blısten 2021 jylǵy álem chempıo-naty (FIDE World Rapid and Blitz Championships 2021) ótedi.
Atalǵan jarys shahmat kúntizbesindegi jankúıerler men sportshylardyń asyǵa kútetin mańyzdy oqıǵalardyń biri sanalady. Bıylǵy birinshilikke álemniń 50 elinen 200-den astam shahmat sheberi qatysady dep kútilýde. Atap aıtqanda, olardyń qatarynda qazirgi álem chempıondary men vıse-chempıondary, FIDE (Halyqaralyq shahmat federasııasy) nusqasy boıynsha reıtıngte eń joǵary turǵan jahannyń úzdik shahmatshylary da bar.
Sondaı-aq jarys óz elimizde ótetin bolǵan soń, Halyqaralyq shahmat federasııasy tarapynan Qazaqstanǵa qosymsha 30 oıynshyny qatystyrýǵa múmkindik berildi.