Bıyl Digital Almaty forýmy jańa deńgeıge shyǵyp, Digital Qazaqstan ataýymen elimizdiń basty ulttyq tehnologııalyq forýmy retinde bekitildi. Bul alań Qazaqstannyń barlyq óńirin biriktirip, sıfrlyq bastamalar, IT-kompanııalar, ónerkásiptik tapsyrys berýshiler men memlekettik qurylymdar arasyndaǵy ózara baılanysty nyǵaıtýdy kózdeıdi, dep jazady Egemen.kz.
Digital Qazaqstan forýmy alǵash ret 27 naýryz kúni elimizdiń mańyzdy ındýstrııalyq jáne ekonomıkalyq ortalyqtarynyń biri Shymkent qalasynda ótedi.
2026 jyldan bastap Digital Qazaqstan forýmy jyl saıyn Qazaqstannyń ártúrli qalalarynda uıymdastyrylyp, ulttyq deńgeıdegi tehnologııalyq jáne sıfrlyq damý ekojúıesin qalyptastyrady. Forýmnyń Shymkentte ótýi naqty sektordy sıfrlandyrý, ónerkásipte jasandy ıntellektini engizý jáne óńirler men ulttyq tehnologııalyq ekojúıe arasyndaǵy baılanysty kúsheıtý máselelerin tereń talqylaýǵa múmkindik beredi.
Digital Qazaqstan: Energetıka ınfraqurylymy onlaın júıege biriktirildi
Digital Qazaqstan 2026 forýmynyń negizgi taqyryby Industry 5.0 tóńireginde bolmaq. Atap aıtqanda, Industry 5.0 tujyrymdamasy adam men tehnologııanyń úılesimdi ózara áreketine negizdelgen. Bul baǵytta jasandy ıntellekt, derekter jáne robototehnıka adam áleýetin arttyrýǵa, ekonomıkanyń tıimdiligin kóterýge jáne turaqty damýdy qamtamasyz etýge qyzmet etedi. Forým aıasynda memlekettik organdardyń, bıznes ókilderiniń, halyqaralyq korporasııalardyń, ınvestorlardyń, tehnologııalyq kompanııalardyń, startaptardyń jáne sarapshylar qaýymdastyǵynyń qatysýymen ekonomıkanyń negizgi salalaryna sıfrlyq jáne AI-sheshimderdi engizýdiń praktıkalyq joldary talqylanady dep josparlanyp otyr.
Digital Qazaqstan Battle ulttyq startap-batlynyń fınalısteri anyqtaldy
Forýmnyń iskerlik baǵdarlamasy aıasynda plenarlyq otyrys, salalyq paneldik sessııalar, dóńgelek ústelder, IT-kompanııalar men startaptardyń kórmesi, tehnologııalyq baıqaýlar men jarystar, hakatondar, sondaı-aq sıfrlyq jáne tehnologııalyq transformasııa salasyndaǵy úzdik ulttyq jáne óńirlik tájirıbelerdi marapattaýǵa arnalǵan Digital Qazaqstan Awards saltanatty rásimi ótedi.
Digital Qazaqstan: Tehnologııalyq derbestik pen sıfrlyq órleý joly