FlyArystan Aqtaý – Dýbaı – Aqtaý baǵyty boıynsha reısterdiń ýaqytsha toqtatylý merzimin 2026 jylǵy 19 sáýirge deıin uzartatynyn málimdedi, dep habarlaıdy Egemen.kz.
Bul sheshim Taıaý Shyǵys óńirindegi turaqsyz jaǵdaıdyń saqtalýyna jáne qoldanystaǵy shekteýlerge baılanysty qabyldandy.
«Buǵan deıin áýekompanııa osy baǵyt boıynsha reısterdiń 2026 jylǵy 31 naýryzǵa deıin ýaqytsha toqtatylǵany týraly habarlady. Qazirgi jaǵdaıda reısterdi oryndaý múmkin emes, osyǵan baılanysty toqtatý merzimi uzartyldy. Barlyq sheshim ushý qaýipsizdigin qamtamasyz etý maqsatynda qabyldanady», delingen habarlamada.Áýe kompanııasynyń málimetinshe, kúshi joıylǵan reıster jolaýshylaryna bıletti satyp alǵan jeri boıynsha keıingi kúnderge tegin qaıta brondaý nemese aıyppulsyz tolyq qaıtarý múmkindigi usynylady.
Mereke qarsańynda otandyq áýe kompanııalar reıster sanyn kóbeıtti
«Áýebıletterdi FlyArystan resmı saıtynda nemese mobıldi qoldanbada satyp alǵan jolaýshylar brondaýdy onlaın túrde basqara alady. Al qalǵan jolaýshylar ózderiniń týroperatoryna nemese týrıstik agenttigine júginýi qajet», dep habarlady FlyArystan áýe kompanııasynyń baspasóz qyzmeti