«Ordabasy Qus» ónimin shetelge shyǵaryp jatyr

«Ordabasy Qus» JShS-niń tusaýy osydan tórt jyldaı buryn Elbasymen bolǵan tikeleı telekópirde kesilgen bolatyn. Bul qus kesheni 2010 jyly údemeli ın­dýstrııalyq-ınnovasııalyq da­mý baǵdarlamasy arqasynda tir­ligin óristetti. Qazirgi tańda, «Ordabasy Qus» JShS 30 túrli ónim assortımentin shyǵaryp otyr. Aldaǵy ýaqytta bul kór­setkishti 100-ge deıin jetkizý jos­parlary bar. Shyǵarylatyn ónim Ońtústik Qazaqstan, Almaty, Qaraǵandy, Pavlodar, Qyzylorda oblystary men Almaty, Astana qalalaryna satylady. Sondaı-aq, ónimniń 20 paıyzy Reseı Fe­derasııasyna eksporttalady. Bul, árıne, Keden odaǵyna mú­she eldermen aımaqaralyq yn­ty­maqtastyqty damytý arqa­synda múmkin bolyp otyr.

Jańa qus kesheniniń birinshi satydaǵy óndiristik qýaty shamamen jylyna 4800 tonna kúrketaýyq etin shyǵarý bolǵan. Bolashaqta óndiris qýatyn 2 ese arttyrý múmkindigi bar jáne ol elimizdiń agroónerkásip keshenin damytý ıdeıasyna tolyǵymen saı. Investısııalyq joba quny 1728,9 mln. teńgeni qurap, ótken jyly óndiris kólemin ulǵaıtý boıynsha «Tiri salmaqty kúrketaýyq eti kólemin jylyna 8110 tonnaǵa jetkizý» jobasy júzege asyryldy. Atalǵan serik­testikte qoldanylyp otyr­ǵan ozyq tehnologııalardyń arqa­synda jylyna 150 myń bala­pan ósirilýde. Aldaǵy jyl­dary munda ósirilip jat­qan balapandardyń sanyn 1 mln.-ǵa jetkizý kózdelýde. О́ńiri­mizde qus sharýashylyǵy óndiri­sin órkendetý maqsatynda serik­testik basshylyǵy 5 jyldyq da­mý baǵdarlamasyn da ázirlegen. Jalpy alǵanda, bul kásip­oryn­nyń bolashaǵy zor. «Or­dabasy Qus» JShS Ulybrı­tanııanyń Oksford qalasynda Eýropalyq sapa sertıfıkatyn, Parıj qalasynda Táýelsiz qo­ǵamdyq sapa jónindegi bir­lestiktiń altyn medalin aldy. «Qa­zaqstannyń úzdik taýary» degen nomınasııaǵa laıyq dep tabylyp, qatarynan eki jyl jeńimpaz boldy. Mu­nyń barlyǵy, árıne, bul kásip­orynnyń shyǵarǵan óniminiń sapasyna berilgen baǵa ekeni anyq. Oralhan DÁÝIT, «Egemen Qazaqstan». Ońtústik Qazaqstan oblysy.