30 mamyrdan bastap jurtshylyq kóńilinen shyqqan zamanalyq “Tulpar” poıyzy Kókshetaý men Almatynyń arasyn jalǵastyratyn boldy. Bul týraly “Qazaqstan temir joly” ulttyq kompanııasy” AQ Aqmola jol bólimshesiniń dırektory Vıacheslav Mıronov habarlady.
Bul astanalyq oblys turǵyndaryn aıryqsha qýanyshqa bólegen oqıǵa bolmaq. О́ıtkeni, buryn ońtústik astanaǵa jetý ońaıǵa túspeıtin. Kókshetaýdan túngi 3-te attanatyn №16 “Petropavl-Almaty” júrdek poıyzy jolaýshylarǵa qolaısyzdyq týǵyzatynyn bylaı qoıǵanda, ol Almatyǵa alyp baratyn jalǵyz kólik edi.
— Endi bul problema oń sheshimin tabady, — deıdi V.Mıronov. Jerlesterimiz jıyrma vagonnan turatyn, barlyq qolaıly jaǵdaılar qarastyrylǵan “Tulpar” poıyzymen Almatyǵa nebary 15 saǵatta jetip barady. Al, №16 júrdek poıyzy bul qashyqtyqqa eki ese artyq ýaqyt jumsaıtyn.
Aqmola temir jol bólimshesiniń bastyǵy jolaýshylarǵa arnalǵan taǵy bir jańalyqty jetkizdi. Aldaǵy kezde Almaty baǵytyna qosymsha eki poıyz júretini josparlanypty.
Baqbergen AMALBEK, Aqmola oblysy.