Bızneske bereke berer baǵdarlama bolýy tıis

Premer-Mınıstr Serik Ahmetov ındýstrııalandyrý josparlaryna sáıkes «Bıznestiń jol kartasy-2020» baǵdarlamasyn jandandyrý qajet dep sanaıdy. Osyǵan oraı ol keshe atalmysh baǵdarlamanyń júzege asyrylý barysy qaralǵan Úkimet otyrysynda О́ńirlik damý mınıstrligine tapsyrma berdi. Úkimet otyrysynda baǵ­darlamanyń búgingi jaı-japsaryn О́ńirlik damý mınıstri Bolat Jámishev baıandaǵan bolatyn. Mınıstrdiń málimetterine súıensek, 2010 jyldan 2013 jylǵa deıin «Bıznestiń jol kartasyn» oryndaýǵa respýblıkalyq bıýdjetten 132,1 mlrd. teńge bólinse, onyń 53,3 mlrd. teńgesi 2013 jylǵa qarastyrylǵan bolatyn. «Búgingi kúnge baǵdarlama sheńberinde 77 763 kásipker qoldaýdyń barlyq túrlerimen qamtylǵan. Nátıjesinde 229 myńnan astam jumys orny qurylyp, qoldaýǵa ıe boldy. Qazir ekonomıkadaǵy árbir besinshi jańa jumys orny baǵdarlama sheńberinde qurylǵan», dep atap ótti B.Jámishev. Dınara BITIKOVA, «Egemen Qazaqstan».     Mınıstr «Bıznestiń jol kartasy» kásipkerlikti qol­daýdyń eń suranysqa ıe baǵ­darlamasyna aınalǵanyn basa aıtty. B.Jámishev, sonymen qatar, baǵdarlama barysynda kásipkerler sýbsıdııalaý jáne ekinshi deńgeıli bank nesıeleri boıynsha kepildendirý túrinde, jańa bıznes ıdeıalarǵa granttar alý, ınfraqurylymdar júr­gizýge, sondaı-aq, shetelderde oqý men tájirıbeden ótý­­­ge, ser­vıs­tik qoldaý men maman­dan­dy­rylǵan konsaltıng boıynsha qoldaýdyń aýqymdy quraldaryn alý múmkindigine ıe bolǵandyǵyn jetkizdi. Budan basqa, mınıstr baǵdarlamanyń osy jylǵy oryndalýy týraly baıandady. О́ńirlik damý mınıstrligi kú­shin «Bıznestiń jol kartasyn» qoldaý quraldary boıynsha aq­parattyq-túsindirý jumystaryn jandandyrýǵa shoǵyrlandyrady, sondaı-aq, barlyq aýdan ortalyq­tary men shaǵyn qalalarda kásip­kerlikti qoldaý ortalyqtaryn ashý josparlanýda. Munymen qa­tar, «Damý» qorymen birge AО́K-ti ındýstrııalyq aımaqtar jáne bıznes-ınkýbatorlar qurý men damytý boıynsha operatorlar retinde tartý oılastyrylýda eken. B.Jámishev, sonymen qatar, «Bıznestiń jol kartasy-2020» memlekettik baǵdarlamasyna kásipkerlerdi belsendi túrde tartýdy usyndy. «Jalpy, jer-jerlerdegi baǵ­darlamany tıimdi júzege asyrý ákimdikterdiń áreketine baılanysty. Sondyqtan, biz ákim­dikterge kásipkerlik áleýeti bar tulǵalardy jáne shaǵyn bıznes sýbektilerin baǵdarlamaǵa belsendi túrde tartý boıynsha jumys júrgizýdi usynamyz, bi­rin­­shi kezekte memlekettik qol­daý kór­setilmegen kásip­ker­lerdi qar­jy­laı qoldaý kórsetý sharala­ry­men qamtý qajet», dedi mınıstr.Sondaı-aq, mınıstr jergilikti atqarýshy organdardyń basshy­­­­lyǵyna nesıelerdi sýbsıdııalaýdan bólek BJK basqa quraldary boıynsha jumysty jandandyrý qajettigin alǵa tartty. Otyrysta birqatar oblys ákimderi, «Damý» qory basqarma tóraıymy Lázzat Ibra­gımova, Ulttyq kásipkerler palatasy tóraǵasynyń orynbasary Gúlnar Qurbanbaeva sóıledi. Talqylaýdy túıindeı kele, Premer-Mınıstr baǵdar­la­ma­nyń oryndalýy jaman emes­tigin jáne jumystyń durys baǵyt­ta órbip jatqanyn atap ótti. Sonymen birge, S.Ahmetov О́ńir­lik damý mı­nıstrligine baǵ­dar­lamany oryndaý sapasyn jaqsartý boıynsha jumystardy jalǵastyrýdy tapsyrdy. «Bıznestiń jol kartasy-­2020» baǵdarlamasynyń bar­lyq ále­ýetin paıdalaný qajet. Bul baǵdarlama 100 paıyz ıge­ri­lýi tıis», dedi Prem­er-­Mı­nıstr. Munymen qatar, Úki­­met basshy­sy О́ńirlik damý mı­­nıs­tr­­li­gine da­mýdyń údemeli ın­­dýs­­trııa­lyq-ınnovasııalyq mem­­le­­kettik baǵdarlamasynyń ekinshi besjyldyǵyn qalyp­­­tas­tyrýdy esepke alyp, baǵdar­lamany odan ári jetildirý, mańy­zyn arttyrý boıynsha usynys daıyndaý jóninde nusqaý berdi. Premer-Mınıstr, sondaı-aq, ókiletti organdarǵa birqatar basqa da tapsyrmalar berip, olar­dyń oryndalý merzimderin belgiledi.