Qazaqstan Respýblıkasynyń Prezıdenti janyndaǵy Kadr saıasaty jónindegi ulttyq komıssııanyń otyrysy ótti, dep habarlady Prezıdenttiń baspasóz qyzmeti.
Aqordada Prezıdent Ákimshiliginiń Basshysy Kárim Másimovtiń tóraǵalyǵymen ótken Ulttyq komıssııa otyrysynda «A» korpýsynyń kadr rezervine irikteý tetikterin jetildirý máseleleri qaraldy.
Memleket basshysynyń tapsyrmasy boıynsha «A» korpýsynyń laýazymdaryna qoıylatyn biliktilik talaptary qaıta qaraldy, test tapsyrmalary laýazymdarǵa baılanysty dıfferensııalandy.
Qazirgi ýaqytta qosymsha qajettiliktiń bar ekendigin eskere otyryp, Ulttyq komıssııa «A» korpýsynyń rezervine taǵy 100 adamdy irikteýden ótkizý jóninde sheshim qabyldady.
Irikteý týraly tıisti habarlandyrý kelesi aptada buqaralyq aqparat quraldarynda jarııalanady.