«Forbes» jýrnalynyń bıylǵy qorytyndysy boıynsha, Pol Allenmen birge «Microsoft» korporasııasynyń negizin qalaǵan Bıll Geıts qaıtadan álemniń eń qaltaly azamaty atanyp otyr. Bul týraly Utro.ru habarlady.
Joǵaryda atalǵan basylymnyń deregine júginsek, qazirgi kezde B.Geıtstiń dúnıe-múlki 76 mlrd. dollar quraǵan. Al álemdegi eń baı adamdar tizimin ári qaraı Meksıkanyń medıa-magnaty Karlos Slım men «Inditex» kompanııasynyń ıesi Amansıo Ortegı jalǵastyrady. Ekinshi oryndy 72 mlrd. dollarmen K. Slım ıelense, dúnıe-múlki 64 mlrd. dollarǵa baǵalanǵan A. Ortegı byltyrǵydaı úshnshi orynǵa turaqtady. Bestikke sondaı-aq «Berkshire Hathaway» men «Oracle» kompanııalarynyń basshylary Ýorren Baffet pen Larrı Elıson kirdi.
B.Geıts 1996, 2007 men 2009 jyldary «Forbes» jýrnalynyń reıtıngi boıynsha álemniń eń qaltaly azamaty atanǵan bolatyn. Onyń dúnıe-múlkiniń negizgi bóligi «Cascade Investments» holdıngi ıeliginde. Sondaı-aq, bilikti kásipker áıelimen birge qaıyrymdylyq qoryn qurdy. Osy qorǵa 2010 jyly 28 mlrd. dollar aýdarylǵan eken.
Aıdar О́risbaev.
Derekkóz: Utro.ru.
Foto: Fingazeta.ru.