Italııanyń Sısılııa aralyndaǵy Ravanýza qalasynda turǵyn úıdegi jarylys qurbandarynyń sany artty, dep jazady Egemen.kz.
ANS A saıtynyń habarlaýynsha, jarylys saldarynan tórt adamnyń qaıtys bolǵany belgili boldy. Qutqarýshylar olardyń denesin úıindi astynan shyǵardy.
Qazirgi ýaqytta iz-túzsiz joǵalǵan taǵy bes adamdy izdeý jumystary jalǵasyp jatyr. Qutqarýshylar aýyr tehnıkany qoldanbaı jumys isteýde.
Sondaı-aq eki áıeldiń aman qalǵany habarlandy. Zardap shekkenderdiń biri aýyr jaraqatpen aýrýhanaǵa jetkizildi.
Esterińizge sala keteıik, keshe keshke jarylys bolyp, úsh turǵyn úı qırap, taǵy tórteýi zaqymdanǵan bolatyn. Aldyn ala belgili bolǵandaı, qaıǵyly oqıǵaǵa gazdyń shyǵýy sebep bolǵan.