1992 jylǵy 29 qarashadaǵy Qazaqstan Respýblıkasy aýmaǵynda ornalasqan synaq polıgondaryn qoldaný týraly Qazaqstan Respýblıkasy men Reseı Federasııasy arasyndaǵy kelisimdi iske asyrý sheńberinde 2013 jyly eki el Qorǵanys mınıstrlikteri arasynda 2014 jyly synaq jumystaryn júrgizý josparyna qol qoıylǵan bolatyn.
Josparǵa sáıkes naýryz aıynda úsh synaq zymyranyn jiberýdi júrgizý josparlanǵan edi. Qazaqstan Respýblıkasynyń Qorǵanys mınıstrligi 2014 jylǵy 19 aqpanda synaq júrgizý týraly ótinim aldy. О́tinimge 28 aqpanda kelisim berildi. Qazaqstan Respýblıkasynyń Qorǵanys mınıstrligi belgilengen tártippen tıisti memlekettik jáne jergilikti organdardy habardar etti.
«Topol-E» ballıstıkalyq zymyranyn synaý 5 naýryz kúni Astana ýaqytymen saǵat 00.10-da júrgizildi. Synaq shtatty rejimde ótti. Onyń nátıjeleri Qazaqstan Respýblıkasy men Reseı Federasııasy Qarýly Kúshteriniń múddesine saı taldanyp, saraptaldy, dep habarlady Qazaqstan Respýblıkasy Qorǵanys mınıstrliginiń baspasóz qyzmeti.