Jazýshynyń portretin jazý – qylqalamyńyzdy qan men sútke qatar malǵanyńyzben birdeı dúnıe. Ǵumyrynyń eń nárli mezeti men eń azapty sátin bir shyǵarmaǵa arqaý etý ońaı sharýa emes. Týyndy aıaqtalyp bitkenshe janyńyzdy qoıarǵa jer tappaıtynyńyz taǵy bar. Al odan aıyǵýdyń jalǵyz joly – ónerge táý etý.
Belarýs dalasynda týyp, Fransııada jan tapsyrǵan jasampaz sýretshi Lev Bakstti bertingi jurt «Leon» dep ataıdy. О́zi de Parıjge tabany tıgen soń esimin ózgertip, shyǵarmashylyq serpilis jasaýǵa nıettense kerek. Ásirese ádebıetke qushtarlyǵy alyp shaharǵa degen sezimin eseleıdi. Oǵan dálel ózi súıip oqıtyn jazýshy Alekseı Tolstoıdyń portreti. Shyǵarma 1909 jyly lıtografııa jáne grafıka tehnıkasyn paıdalana otyryp jazylǵan. Jumysqa sur qaǵaz, grafıt qaryndash, akvarel, sııa, ák, altyn, kúmis tústi materıaldar qoldanylǵan eken.
Portrette qylqalam sheberi modeldiń ózine tán erekshelikteri men kóńil kúıin jetkize alatyn tamasha detaldardy negizge alady. Baqsańyz, tek kóleńkeli syzbalar men boıaýlar ǵana emes, sonymen qatar neǵurlym batyl órnek quraldary, ıaǵnı kólemdi jáne jalpaq keskinderdiń kontrastyn kóresiz. Shynynda ártúrli ádisterdi qoldana otyryp, asqan sheberlikpen beınelegen.
Tolstoıdyń portretinde kólemdi bastyń efırlik denemen úılesimi buzylmaǵan. Osylaısha, ol keıipkermen oqyrmannyń baılanysyn jaqyndata túsip, jazýshynyń bet álpetin kórermen nazarynda ustaıdy. Qalamgerdiń kózderi baqylaýshyǵa áldebir renishpen qarap turǵandaı. Onyń ne jymıyp, ne kúlip nemese áldenege narazylyq bildirip turǵanyn anyqtaý qıyn. Júzinen ómirden sharshaǵan, kóńilsiz adamnyń obrazyn oqısyz, tipti kúdik te baıqalady.
Shash úlgisi jazýshyǵa tán stılde berilgen. Oralǵan jip tárizdi retimen ornalasqan jińishke syzyqtar bastyń pishinin qaıtalaıdy. Qansha sýlasa da erkine baǵynbaǵan shashtary portretke jan beredi. Kıimi tek tuspalmen syzylǵan. Birneshe shtrıh galstýktiń, jaǵanyń kontýryn jasaıdy. Kostıýmniń ústińgi bóligindegi qalyń syzyqtar birte-birte bozaryp, aıqyndylyǵyn joǵaltady. Osylaısha, model mımıkasynyń, qoıý kózderiniń mańyzdylyǵyn kórsetedi.
Kórermen jazýshynyń basy men ıyǵyn ǵana kórgenimen, keıipker endi ornynan turyp, qııalyn seıiltip, óz isimen aınalysatyn sııaqty beınelengen. L.Bakst shyǵarmalaryna tán energetıkalyq qasıet, qozǵalysqa, erkindikke umtylys A.N.Tolstoı portretinde de bar. Baryp kórem deseńiz, atalǵan kartına Máskeýdegi Tretıakov galereıasynda saqtaýly tur.