«Qazgıdromet» RMK sınoptıkteri 18, 19 jáne 20 qańtarǵa arnalǵan aýa raıy boljamyn usyndy, dep habarlaıdy Egemen.kz.
Boljam boıynsha, Qara teńiz aýdandarynan keletin Batys antısıklony Qazaqstan aýmaǵyndaǵy aýa raıyna áser etedi. Antısıklon áserinen eldiń soltústiginde kún sýytyp, jaýyn-shashyn toqtaıdy.
«Al Qazaqstannyń batysyna qaraı Mýrmansk aýdandarynan keletin sıklon aýa raıyna áser etedi. Jańbyr men qar jaýyp, ekpindi jel soǵyp, kóktaıǵaq bolady dep kútiledi. Osylaısha soltústik-batys, soltústik óńirlerde termometr baǵandary túnde 10-25 gradýs aıazǵa, batysta 5-15 gradýs aıazǵa, ońtústikte 0-15 gradýs aıazǵa deıin tómendeıdi dep boljanǵan», delingen habarlamada.