Qazaqstan Prezıdenti Nursultan Nazarbaev Ispanııa Koroli Hýan Karlos I-men telefon arqyly sóılesti, dep habarlady Qazaqstan Respýblıkasy Prezıdentiniń baspasóz qyzmeti.
Áńgimelesý barysynda ıspandyq monarhtyń aldaǵy ýaqyttaǵy Qazaqstanǵa saparynyń merzimi talqylandy.
Memleket basshysy Hýan Karlos I-ge jaqynda jasalǵan operasııadan keıin tezdetip saýyǵyp ketýin tiledi.
ELBASY QABYLDADY
Memleket basshysy Nursultan Nazarbaev Qazaqstan Respýblıkasy Konstıtýsııalyq Keńesiniń tóraǵasy Igor Rogovty qabyldady, dep habarlady Qazaqstan Respýblıkasy Prezıdentiniń baspasóz qyzmeti.
I.Rogov Prezıdentti Qazaqstan Respýblıkasy Konstıtýsııasynyń qabyldanǵanyna 15 jyl tolýyn merekeleýge ázirlik barysy týraly habardar etti. Atap aıtqanda, bıylǵy jyldyń 30 tamyzyndaǵy merekelik saltanattyń negizgi is-sharasy – “Konstıtýsııa elimizdiń demokratııalyq damýynyń negizi retinde” atty halyqaralyq ǵylymı-praktıkalyq konferensııa bolady. Búginniń ózinde 30-dan astam shet eldiń ókilderi, sonyń ishinde konstıtýsııalyq sottardyń tóraǵalary, konstıtýsııalyq baqylaýshy ózge organdardyń jetekshileri, shetel parlamentteriniń ókilderi ózderiniń konferensııaǵa qatysatyndyqtaryn qýattady.
– Memleket basshysy osy konferensııa barysynda jetistikter týraly raporttarǵa emes, elimizdiń damýyna ǵylymı-teorııalyq turǵyda tereń taldaý jasalýyna, bizdiń sheteldik áriptesterimizdiń tájirıbesin zerdeleýge mán berý qajettigine nazar aýdardy. Osy taldaýdyń negizinde biz memlekettiń quqyqtyq tetikterin odan ári jetildirý jónindegi belgili bir usynymdardy berýimiz qajet, – dedi jýrnalısterge arnalǵan brıfıngte I.Rogov.
Qyzmetke taǵaıyndaý
Memleket basshysynyń Jarlyǵymen Dýlat Orazbekuly Qýanyshev Qazaqstan Respýblıkasynyń Úndistan Respýblıkasyndaǵy Tótenshe jáne ókiletti elshisi qyzmetine taǵaıyndaldy.
* * *
Memleket basshysynyń О́kimimen Bolat Jámıtuly О́temuratov Qyrǵyz Respýblıkasymen yntymaqtastyq máseleleri jónindegi Qazaqstan Respýblıkasy Prezıdentiniń arnaıy ókili qyzmetine taǵaıyndaldy.