Soltústik Qazaqstan oblysy Esil aýdanyndaǵy Voloshınka aýyly úlken tas joldyń boıynda ornalasqan. Jol-kólik oqıǵasy osy Voloshınka aýylynda bolyp, erli-zaıypty eki turǵyndy Ford Focus avtokóliginiń júrgizýshisi 3 aqpanǵa qaraǵan túni aýyl mańyndaǵy jolda qaǵyp ketken.
Júrgizýshi oqıǵa ornynda ustaldy. Kýálandyrý nátıjesi kórsetkendeı, júrgizýshi alkogoldik masań kúıde bolǵan.
Jol-kólik oqıǵasy faktisi boıynsha Qylmystyq kodekstiń 345-1 babynyń 4-bóligi «Abaısyzda eki nemese odan kóp adamnyń ólimine alyp kelgen alkogoldik masań kúıde kólik quraldaryn basqarǵan adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha sotqa deıingi tergeý bastaldy. 32 jastaǵy júrgizýshi, Voloshınka aýylynyń turǵyny, ýaqytsha ustaý oqshaýlaǵyshyna qamaldy.
Soltústik Qazaqstan oblysy